web counter
LEXO PA REKLAMA!

SHKARKO APP

App Store
Google Play

E fundit!

x

Disa fakte/Ja pse Klement Balili është i qeverisë Rama-Meta?

26 Janar 2017, 18:26, Aktualitet CNA

Kreu i LSI-së nëpërmjet një loje politike po përpiqet që mikun e tij Klement Balilaj, i akuzuar si Eskobari i Ballkanit, tja faturojë kryeministrit Rama. Këtë po e bën mjaft mirë. Ndoshta nga fakti se Balili e ka braktisur, për të përfituar politikisht, por edhe për të vazhduar presionin e tij ndaj kreut të qeverisë Meta po vepron me zgjuarsi politike. Çdo gjë tani po i faturohet Ramës.

Ky i fundit nga ana e tij e di mjaft mirë që Balili, është një mik dhe bashkëpunëtor i Ilir Metës dhe LSI-së, por ndoshta më pas ka rënë në prehërin e tij për interesa momenti dhe për këtë Meta është mërzitur kaq shumë.

Veprimi i fundit nuk duket të jëtë mërzi për Balilin sesa hakmarrje të tij ndaj ministrit të brendshëm Saimir Tahiri.

Ilir Meta mbledh Këshilin e Sigurimit, pse nuk arrestohet Klement Balili, që me shumë gjasa mund të ketë qenë i ?fshehur? edhe në shtepinë e Metës.

Meta thotë të arrestohet, policia nuk po e gjen, Nishani mbledh Këshillin e Sigurisë për Balilin. Një estradë që mund t?ju kursehej shqiptarëve të cilët duhet të dinë të vërtetën e cila është një dhe vetëm një. Klement Balili është i qeverisë Rama ? Meta. Pra i të dyve.

Është i Ilir Metës, i Ylli Manjanit, i Edmond Haxhinastos, i Edi Ramës dhe qeverisë apo mazhorancës në pushtet.

Klement Balili ka qenë Drejtor Rajonal i Shërbimit të Transportit Rrugor në Sarandë, emëruar nga një Drejtor i Përgjithshëm i LSI-së dhe një Ministër i LSI-së si Edmond Haxhinasto.

Nipi i tij RIGELS BALIL BALILI është kryebashkiaku i Delvinës nga Aleanca për Shqipërinë Europiane, PS +LSI. Kandidat i LSI-së i preferuar i Ilir Metës që mori miratimin e ?komisarit të Jugut? Koço Kokëdhima dhe kryedeputetit të Vlorës, Edi Rama.

Klement Balili është i Ilir Metës dhe i qeverisë. Kaq shumë detyrime kishte kreu i kuvendit sa nuk mund të mungonte në inagurimin e hotelit të Balilit.

Tani bën sikur harroi, me letër të Ilir Metës mblidhet Këshilli i Sigurisë për arrestimin e Klement Balilit, sepse Ilir Meta do ta heqë nga LSI-ja dhe supet e tij dhe tja lerë qeverisë, ku ka një tufë me ministra dhe është bashkë kryetar i koalicionit. Kërkon që publikisht tja faturojë Edi Ramës dhe Saimir Tahirit, sepse ndoshta Balili e ka braktis LSI-në, por jo qeverinë dhe vendin e qeverisin Rama dhe Meta.

Klement Balili është i qeverisë, i Metës dhe i Ramës, lojrat e tyre dhe përplasjet politike e cojnë një trafikant droge në kërkim në Këshillin e Sigurisë. Në fakt duhet të mblidhej tryeza e koalicionit të mazhorancës që ta zgjidhte këtë çështje dhe jo këshilli, që do jetë vazhdimi i një shfaqeje të ndyrë politike me skenarist dhe regjizor mikun e Klement Balilit, kreun e LSI-së dhe kuvendit Ilir Meta./CityNews





Lajmet e fundit nga