web counter
LEXO PA REKLAMA!

SHKARKO APP

App Store
Google Play

Skandali/ Partia i vendos 'gjoba' punonjësve

24 Janar 2017, 19:18, Aktualitet CNA

Punësimi i militantëve partiak në Shqipëri mbetet një nga problemet kryesore të vendit. Shumë prej të punësuarve partiakë detyrohen të shkojnë në evente të ndryshme, në varësi të partisë që i organizon, por jo vetëm kaq.

Shumë punonjës të administratës detyrohen të ndjekin nga pas një forcë politike thjesht dhe vetëm për të ruajtur vendin e punës, kur tashmë siç ka ndodhur rëndomë me PD ? PS dhe LSI, edhe PDIU po ndjek të njëjtën formë në drejtorinë që ajo administron.

Drejtues të kësaj partie në institucionet që ata drejtojnë kërkojnë mbështetje politike, deklaron se ajo po i mban në punë dhe së fundmi ajo i dërgon formularë për anëtarësime, por edhe të paguajnë kuota.

Citynews sjell sot një rast të shfrytëzimit të të punësuarve partiak, të cilët detyrohen të paguajnë shuma të ndryshme parash për të ruajtur vendin e punës.

Burimet i thanë citynews se ditën e sotme, pranë Drejtorisë së Përgjithshme të Sigurimeve Shoqërore në Tiranë me formularë në dorë, drejtues të institucionit, e cila kontrollohet nga PDIU, kanë kërkuar që punonjësit të plotësojnë formularët, të deklarojnë dhe kontributet që do të derdhin në këtë parti, të cilat fillojnë nga 5 mijë lekë të vjetra deri në 60 mijë lekë.

Sipas burimeve, mësohet se motivacioni për kuotat që duhet të paguajnë është se: “Partia po ju mban në punë”.

Duket se edhe ata pak qytetarë që punësohen falë kontributit në parti, detyrohen ti japin asaj një shumë të caktuar parash nga rroga./CityNews

 





Lajmet e fundit nga