Lirohet piloti i drogës/ Garanci pasurore 10 mijë euro

24 Janar 2017, 15:17, Aktualitet CNA

Gjykata e krimeve të rënda caktoi masën e sigurisë garanci pasurore 10 mije euro për pilotin italian Guido Guidi, avioni i të cilit u rrëzua në Ishem disa muaj më parë. Sipas vendimit, 70 vjeçarit i lejohet të udhëtoje drejt Italisë por duhet të paraqitet në prokurori sa herë e kërkon organi i akuzës që po e heton për trafik droge në bashkëpunim.

Pilotit Italian Guido Andrea Guidi, që u ul në Ishëm të Durrësit për tu ngarkuar me drogë, i kthehet pasaporta dhe lihet i lirë me masën e sigurisë atë të garancisë pasurore prej 10 mijë eurove.
ABC News ka mësuar se me kërkesë të prokurorisë gjykata e krimeve të rënda i caktoi masën e sigurisë, atë të garancisë pasurore prej 10 mijë eurove të depozituar në një bankë të nivelit të dytë në Shqipëri nga djali i pilotit. Vet 70 vjeçari ishte present në sallën e gjyqit, i cili u zotua se do të jetë i gatshëm për prokurorinë sa herë të thirret e të njoftohet. Edhe avokati mbrojtës, mbajti të njejtin qëndrim, me argumentin se piloti Guido Guidi nuk mund të rri i izoluar në Shqipëri pasi është i moshuar dhe ka nevoj për familjarët e tij, që jetojnë në Itali. Pas këtyre argumenteve, gjyqtari Bib Ndreca vendosi të pranoi kërkesën e prokurorisë, për hetimin në gjendje të lirë të pilotiti Italian kundrejt garancisë pasurosë prej 10 mijë eurove.
Sipas akuzës, piloti 70 vjeçar ka pranuar të bashkëpunoj me drejtësinë duke dhënë ato pak emra me të cilët ka kontaktuar në Itali për të kryer transportin e drogës kundrejt shumës prej 20 mijë eurove që do të merrte. Por edhe pse kanë kaluar 4 muaj nga moment i ules së avionit, autoritet italiane nuk kanë sjell ndonjë detaj për emrat e personave që kanë kontraktuar pilotin Italian për të kryer transportin e drogës.
Nga ana tjetër personi që ka marr me qera tokën, ku është ndërtuar pista e uljes së avionëve, sipas akuzës, vazhdon të jetë jashtë territorit shqiptar dhe ende nuk është pyetur. Ndërsa në lidhje me bashkpëunëtorët e mundshëm të trafikut të drogës, prokuroria thotë se nuk ka një të dhënë apo informacion qoftë edhe nga policia e shtetit për emra të personave që mund të kenë bashkëpunuar me pilotin Italian. Si dhe me shtetasit shqiptar e Italian, të cilët e kanë kontraktuar pilotin për të trafikuar drogën nga Shqipëria me avion.
Ndërkohë, pranë prokurorisë për krime të rënda kompania e avionit me të cilën u ul më 15 Shtator të vitit të shkuar në Ishëm piloti Italian, kanë sjell kërkesën për marrjen e avionit të vogël. Burimet thoën se ende nuk ka një vendim konkret për kthimin apo jot ë avionit që italiani kishte marr në përdorim për të trafikuar drogë nga Shqipëria në Itali.