web counter
LEXO PA REKLAMA!

SHKARKO APP

App Store
Google Play

E fundit!

x

MAT/ Qëlloi me automatik drejt shtëpisë së kryeplakut, autori në kërkim

24 Janar 2017, 12:02, Aktualitet CNA

Një shtetas është shpallur në kërkim, pasi ka shtënë me armë zjarri  drejt banesës së kryeplakut të fshatit Komsi. Fatmirësisht, nga të shtënat nuk raportohet për të lënduar,  ndërsa është shpallur në kërkim autori tashmë i identifikuar.

“Me datë 23.01.2017, rreth orës 21:15, jemi njoftuar se në fshatin Komsi-Mat, se ka të shtëna me armë zjarri. Menjëherë kanë shkuar shërbimet e policisë në vendngjarje, ku kanë konstatuar se është qëlluar me armë zjarri në drejtim të banesës së shtetasit A.B, 64 vjeç, banues në fshatin Komsi (me detyrë Kryeplak i fshatit Komsi, dhe punëtor pranë fabrikës së “Ferrokromit Burrel”).

Në drejtim të banesës është qëlluar me armë zjarri automatik, nga një distancë rreth 50 metra, ku në njërën nga dhomat e banesës është thyer xhami i jashtëm i dritares, dhe në pjesën e jashtme të banesës ka disa vrima të shkaktuara nga predhat e qitura?, shtojnë burime zyrtare nga ana e policisë.

Grupi hetimor ka mbledhur dhe sekuestruar në vendngjarje  15 gëzhoja. Falë veprimeve të shpejta hetimore dhe profesionale të kryera nga shërbimet e Komisariatit të Policisë Mat, është bërë identifikimi i autorit, shtetasi A.GJ, 26 vjeç me precedent të mëparshëm kriminal, i cili është shpallur në kërkim ku për arsye hetimi. Grupi hetimor vijon hetimet në vendin e ngjarjes. Paraprakisht dyshohet se shkaku është për motive të dobëta. Nga ana e policisë tshmë janë ngritur pika kontrolli,  si dhe po vijon puna për kapjen e autorit. /CityNews/

 





Lajmet e fundit nga