E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Letër për Alfred Pezën/ Dy pyetje dhe dy sqarime publike

24 Janar 2017, 09:50, Aktualitet CNA

Dje në emisionin Top Story si deputet apo si gazetar sqarove pozicionin në lidhje me denoncimin e ngritur në Citynews.

Për qëndrimet e mbajtura po të japim dy sqarime. Në lidhje me çështjen CEZ dhe lidhjen që bën me veten, je krejtësisht gabim. Citynews ka denoncuar nga mediat e para këtë aferë dhe ka kërkuar publikisht hetime jo vetëm të politikanëve, por edhe mediave që kanë përfituar nga ai abuzim. Pra jemi pak më ekstremë se PD dhe PS të marra së bashku. Komisioni CEZ vazhdon, Balla dhe Spaho po investigojnë, ju nuk jeni asgjëkundi.

Në lidhje me faktin se ishte PD që na nxit, mjafton të kërkosh dhe lexosh në faqe për të kuptuar qëndrimin tonë në lidhje me PD dhe drejtimin e saj nga Basha. Në rast se do e kishin denoncimin tonë do e çonin diku tjetër dhe ndoshta nuk do kishin nxjerrë ato pasaktësi që ju pretendoni. Asgjë nuk ka ardhur nga PD, dhe për pasaktësinë e pretenduar ajo erdhi nga burimi që ishte Open Data dhe si asnjë media tjetër e korrigjuam dhe sqaruam duke ju kërkuar edhe ndjesë, por nuk mund të themi se 1.13 miliardë lekët nuk ekzistonin ato janë fakt i pakontestueshëm nga të gjithë.

Dy pyetjet

Dje deklaruat fitim nga depozitat shumën 330 milionë lekë të vjetra. Gjithcka publike në bankë dhe me norma të larta interesi. Deri këtu gjithçka është në rregul, por pyetja jonë është ku u siguruan dhe sa janë depozitat që prodhuan këto 330 milionë? Pyetje që ti si gazetar duhet ta sqarosh publikisht me dokumente.

Pyetja e dytë vazhdon të përsëritet nga ne, sa ka qenë paga juaj në TV Ora News, gazetën Shqip dhe TV Klan?

Kjo pyetje ka lidhje jo pak me të parën për të sqaruar të ardhurat tuaja. Për të ardhurat në Vizion Plus duhet të kishit bërë deklarimin e të ardhurave personale on-line, si detyrim ligjor. Por që të mos gaboni në përgjigje po ju japim dhe dy sqarime. Rroga më e lartë e gazetës Shqip ka qenë ish-administratori Besnik Myftari nga 120 mijë lekë deri në 200 mijë lëkë, sipas periudhave. Pra maksimumi i deklaruar ka qenë 2 milionë lekë të vjetra. Rroga më e lartë e deklaruar në ato kohë në Ora News është zoti Ylli Ndroqi me 80 mijë lekë. Dje Citynews ka publikuar deklarimet që ka bërë kompania në Tatimet.

Mund t?i sqaroni publikisht ose edhe në hapësirën tonë që ju respekton si gazetar, nuk ka asnjë kompleks ndaj jush, megjithëse fatkeqësisht një ish-koleg na shikon si ?armiq?. Në pritje të përgjigjes ju urojmë: Suksese në jetë!/Elvi Fundo-Citynews