web counter
LEXO PA REKLAMA!

SHKARKO APP

App Store
Google Play

E fundit!

x

Plas në PD/ Të gjithë propozojnë veten

24 Janar 2017, 08:09, Aktualitet CNA

Partia Demokratike ka nisur të mbledhë propozimet e kandidatëve për deputetë përmes faqes së saj zyrtare në internet.

Çdo qytetar, demokrat apo militantë i flaktë ka të drejtën të propozojë kandidatin e tij në listat e Partisë Demokratike për zgjedhjet parlamentare të vitit 2017.

Mësohet se në kuadër të nismës së re të Partisë Demokratike për të zgjedhur kandidatët për deputetë, në selinë e PD ka nisur një luftë e ashpër se kush mbledh më shumë propozime.

Gara nuk zhvillohet për personazhe si ish-kryeministri Sali Berisha, apo figura elitare të cilat kanë kontribut në PD, por për ato figura që mund të quhen të nivelit të dytë apo të tretë.

Kështu, deputetë të cilët nuk e kanë të sigurt një vend në listë apo figura të tjera brenda PD që aspirojnë të ulen në karrigen e parlamentit, kanë nisur ti kërkojnë militantëve ti propozojnë emrin e tyre online.

Gojët e liga thonë se figura si Ervin Salianji, Grida Duma, Fatbardh Kadilli apo Enno Bozdo kanë kërkuar ndihmën e militantëve për ti propozuar si kandidatë për deputetë.

Ata u kanë dërguar miliantëve me shkrim në një fletë linkun ku mund të propozohen emrat. Sipas burimeve jo zyrtare, Ervin Salianji, me karakterin që e karakterizon është tërhequr nga kjo lojë, pasi ai është i bindur që anëtarët demokratë do ta propozojnë vetë emrin e tij, pa pasur nevojë për ndërhyrje. Kjo pas aksioneve të panumërta dhe frytdhënëse që ka ndërmarrë kohët e fundit.

Nga ana tjetër, Grida Duma, në letrën e saj, i ka dërguar militantëve edhe një foto me fustan të kuq dhe i ka premtuar atyre se do ti flasë ëmbëlsisht secilit prej tyre në ?online? video në momentin që do të zyrtarizohet si kandidate për deputete.

Fatbardh Kadili, mësohet të ketë shkruar në letër se ai e meriton më shumë se të tjerët të kandidojë si deputet sepse së bashku me mbështetësit e tij kanë arritur të thyejnë rekordin për humbjet e njëpasnjëshme kudo që ka shkelur.

I fundit, Enno Bozdo, pas letrës drejtuar militantëve, mësohet se është më i votuari nga të gjithë demokratët. Me mbi 200-300 mijë vota plus nga të tjerët, Bozdo nisi të festonte me shampanjë kandidimin e tij si deputet, por kur mori vesh se militantët kishin propozuar emrin Eno Bozdo dhe jo Enno Bozdo (pra për një n që ti se vë), ai kërkoi menjëherë që shishja e shampanjës të mbyllej dhe të kthehej në dyqan. Paratë e kthyera të shampanjës do shkonin për ndryshimin e emrit në gjëndjen civile. Më në fund, edhe Ennos do ti bjerë n-ja./Satirë politike, por jo deri në fund





Lajmet e fundit nga