E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Për Fatos Lubonjën dhe Andi Bushatin/Ja si e “trodhi” Rama-Çilin

24 Janar 2017, 12:19, Aktualitet CNA

Dy analistët Fatos Lubonja dhe Andi Bushati disa ditë më parë në emisionin ?Të paekspozuar? të Ylli Rakipit, në News 24, u përplasën ashpër me botuesin e Mapo dhe pronarin e EUT Henri Cili. Një debat i ashpër dhe me akuza të forta, por që nuk i nxin aspak faqen Henri Çilit për ?paturpësitë e tij politike?, që thjesht dhe vetëm i kanë shërbyer për të qenë klient spekulant i çdo qeverie.
Klient spekulant, sepse gjatë qeverisjes së Sali Berishës dilte publikisht dhe e mbështeste kryeministrin e atëhershëm dhe kërkonte që ai të fitonte dhe zgjedhjet e 2013, por në pak kohë e dridhte dhe shpallte Ramën njeriun e vitit. Pak muaj më vonë del dhe e mbron publikisht kreun e qeverisë dhe reformat e tij antipopullore, që në fakt nuk kanë dhënë asnjë efekt për shtetin dhe vetë qeverinë, por kanë qenë kërbaçi i një kryeministri ndaj qytetarëve të tij.
Këtë kërbaç nuk e ka goditur Çili, sepse si karkalec kërceu nga shtrati i Saliut tek ai i Edit, ndërkohë që ?fërkohej? shpesh me Bashën, duke i mbajtur krahun kreut të PD, por edhe duke mbështetur e sponsorizuar individë të paaftë në Partinë Demokratike, duke tentuar që t?i çojë në pjesën e elitës së saj. Në fakt këtij qëllimi ja arriti! Lubonja dhe Bushati përpara se ta akuzojnë apo sulmojnë ashtu sikundër ka bërë CityNews në shumë e shumë artikuj, duhet të kuptojnë se ku qëndron halli dhe ku është kapur Henri Çili. Të dy duhet ta dinë mjaft mirë, problemi nuk ka qenë vetëm ligji i arsimit të lartë, ai ndoshta ishte një dhuratë për Çilin, por pas disa shërbimeve të devotshme të tij ndaj kreut të qeverisë, shërbime të cilat i filloi kohë më parë kur Edi Rama e shtrëngoi fort në mes të këmbëve.
Lubonja dhe Bushati të dy kanë në email-et e tyre një raport kontrolli të ministrisë së Arsimit, që daton në fillim-verën e vitit 2014. Është ky raport kontrolli që vinte gjashtë muaj pasi Çili kishte shpallur Edi Ramën njeriun e vitit, si një goditje e kreut të qeverisë ndja tij dhe universiteteve private, që deri në atë kohë qëndronin shumë pranë Berishës. Çili i jep shenjën e parë Ramës me shpalljen e njeriut të vitit, por ndonjëherë goditet fort prej tij, për një raport, i cili flet për shumë skandale në Universitetin Europian të Tiranës.
Nga këto raporte kontrolli, disa universitete u mbyllën, megjithëse kishin parametra më të mira se sa UET, por në fund të sulmin të kryeministrit rezultoi vetëm mbyllja e disa universiteteve private, që numërohen me gishtat e dorës. Shumica qëndruan apo u rihapën me kalimin e kohës. Një nga universitetet që duhej të mbyllej në momentin e përfundimit të raportit te Ministrisë së Arsimit ishte dhe Universiteti Europian i Tiranës, por jo vetëm që kjo nuk ndodhi, por ministria e Nikollës bëri dhe ligjin e arsimit të lartë në favor të universitet të Çilit.
Mjafton që dy analistët e nderuar të lexojnë nëpër rreshta, ku flitet për doktoraturat, aty ku flitet për mungesën me regjistrat dhe numrat e amzës, aty ku flitet për pedagogët e brendshëm dhe të jashtë, për ambientet dhe detyrimet ligjore që kishte UET ndaj studentëve. Duhet të lexojnë ato degët e hapura pa miratimin e ministrisë së Arsimit. Pra është ky raport fillesa e gjunjëzimit pa kushte të Henri Çilit tek Edi Rama, një raport paraprak vlerësimi i UET, që e nxirrte këtë të fundit në një ?mega-kioskë? universitare.
Mbyllja e tij do ta çonte Çilin në faliment dhe ndoshta tani do punonte gazetar te Nikolla, por ai bëri gjithçka, u gjunjëzua dhe dorëzua pa kushte për të shpëtuar ngrehinën e tij që nuk kishte asnjë ndryshim nga universitetet e tjera që u mbyllën, në raport të skandalit të MAS. Të tjerët e mbyllën, ndërsa UET mbijetoi. Mbijetoi falë qëndrimeve që ka sot Henri Çili ndaj qeverisë dhe kryeministrit Rama, sepse kërbaçi i Ramës nuk ra në kurrizin e Çilit, ai thjesht u ngrit për ta trembur dhe tani Çili është i dorëzuar pa kushte përballë kryeministrit, duke i shërbyer në propagandën e tij të çmendur.
Lubonja dhe Bushati nuk kanë pse lodhen shumë për të kuptuar se Çili është kthyer në një servil dhe makinë propagande për skandalet e qeverisë. Mjafton të lexojnë raportet që kanë në emali-et e tyre. aty fillon e ardhmja e Çilit me Ramën./CityNews