Skandali në “Stop”/Shpërthen Ndocaj: Pse më kërcënoi Altin Jaku dhe beteja ime me drejtësinë

24 Janar 2017, 12:39, Aktualitet CNA

Deputeti Eduart Ndocaj ka reaguar ashpër pas skandalit të publikuar një natë më parë në emisionin ?Stop?, ku një emigranti shqiptar i ishin zhdukur nga llogaria bankare në Tirana Bank 150 milionë lekë të vjetra.

Deputeti Ndocaj ka sulmuar drejtpërdrejtë ish-drejtorin e kësaj banke, Altin Jakun, duke risjellë sërish në kujtesë përplasjen që ka pasur me të. Ndocaj shprehet se ky ?fare? Altini ishte ai që pati guximin ta ofendonte e deri ta kërcënonte, pasi po denonconte shkarkimin e një punonjësi të ndershëm për të punësuar nusen e tij.

Ndërsa, pas skandalit në ?Stop?, Ndocaj paralajmëron se do të vazhdojë betejën me drejtësinë, duke thënë me bindje se nuk e ndalon më asgjë.

Ja çfarë shkruan Ndocaj:
Beteja ime me drejtesine dhe rasti i Altin Jakut
Ndoqa me neveri emisioni “Stop” ku nje qytetar denonconte ish drejtorin e Tirana Bank, Altin Jaku, se i ka zhdukur nga llogaria bankare 150 milionë leke te vjetra.
Pashe e degjova me ze dhe me figure punonjesin e bankes qe fliste se Altin Jaku u ka marrë njerezve te ndryshem 5 mije eurosha, se i ka marr ëleket edhe nje kusheriri te tij.
Degjova teksa punonjesi i bankes thoshte se habiteshim se si Altin Jaku shetiste cdo fundjave neper qytete te Europes, kur ai kishte vetem 1 milion e gjysme leke te vjetra rroge ne muaj.
Ky fare Altini ishte ai qe pati guximin te me ofendonte e deri te me kercenonte, sepse une po denoncoja shkarkimin e nje punonjesi te ndershem per te punesuar nusen e tij. Nuk thash asgje me shume ne ate kohe per nusen e tij, sepse kurre nuk jam marrë me gra.
Ndersa mbrëmë, sipas misionit “Stop”, disa mijera euro qe Altini i paska vjedhur qytetarit, i paska kaluar ne llogarine e nuses se tij.
Ne ate koha pata guximin te denoncoj kapjen e PS ne Lezhe nga persona qe nuk meritojne te kene liri dhe jo te bejne politike. Per kete guxim timin u kercenova me jete. Kjo eshte beteja ime per drejtesine dhe s’ka gje qe me ndalon.
Pashe po ne emisionin “Stop” se si qytetari i ndershem tallet neper institucionin e Prokurorise se Lezhes. Qytetari i thjeshte nuk duhet te merakoset, sepse une kam denoncuar Prokurorine e Lezhes ne Prokurorine e Pergjithshme, sepse ka pushuar denoncimet e mia pa asnje motivim e baze ligjore.
Kete pretendim ne ate kohe ja nisa me shkrese Prokurorit te Pergjithshem dhe Ministrise se Drejtesise. Si ka mundesi qe kercenohet me jete nje deputete dhe Prokuroria e Qarkut Lezhe nuk me ka thirre me asnjehere, pervec dites qe kam depozituar denoncimin?
Kjo eshte ajo kapja e drejtesise qe shume here degjojme te flitet. Qytetarit qe i jane vjedhur leket te kete durim, sepse Reforma ne Drejtesi do te jap efektet e saja.
Une, ne cilesine e deputetit te Republikes se Shqiperise dhe te qytetarit te Lezhes kerkoj qe hetimet kundrejt ish-drejtorit te Tirana Bank te shkojne deri ne fund dhe pushteti te qendroje larg. Po ashtu kerkoj qe ne Prokurorine e Lezhes te behet nje pastrim thelbesor, te largohen te gjithe prokuroret qe jane aty.
Kete e kerkoj ne cilesine e deputetit dhe po ashtu ky pastrim sherben edhe per te pastruar politiken nga njerez qe nuk meritojne te jene te lire dhe jo te bejne politike. Pastrimi i Prokurorise se Lezhes eshte hapi i pare per zgjedhje te lira ne kete Qark. Kam luftuar per Drejtesine dhe do e bej gjithmone./CityNews