web counter
LEXO PA REKLAMA!

SHKARKO APP

App Store
Google Play

E fundit!

x

Skandali në Fiks Fare/ Ja kush është kryetari i dënuar i njësisë administrative (Emri dhe vendimi i gjykatës)

24 Janar 2017, 18:20, Aktualitet CNA

Citynews ka mundur të sigurojë emrin e kryetarit të njësisë administrative, i cili do të denoncohet sot në emisionin investigativ ?Fiks Fare? pasi rezulton të jetë i dënuar me vendim gjykate.

Pak më parë, Citynews informoi se bëhet fjalë për një njësi administrative në veri të vendit dhe se kryetari i dënuar është emëruar nga radhët e opozitës.

Burimet i thanë Citynews se drejtuesi i njësisë administrative që do të denoncohet sot në Fiks Fare është Artan Miza. Ai është drejtori i njësisë administrative Ulëz në Bashkinë e Matit.

Miza rezulton të jetë i dënuar me vendim të Gjykatës së Lezhës në vitin 2008 për korruspion pasiv në kohën që mbante detyrën e Drejtorit të Shërbimit Pyjor Mirditë dhe Apeli i Shkodrës e ka lënë në fuqi në vitin 2010. Në vitin 2013 edhe Kolegji Penal i Gjykatës së Lartë ka lënë në fuqi vendimin e Gjykatës së Apelit. Për këtë vepër, Artan Miza është dënuar me dy vite burg si dhe me 10 milionë lekë të vjetra gjobë.

Pavarësisht dënimit, Artan Miza është emëruar si drejtor i Njësisë Administrative Ulëz. Kjo njësi është pjesë e Bashkisë Mat, e cila është fituar nga Partia Demokratike me kryetar Nezir Rizvani, i cili në bazë të ligjit ka kryer edhe emërimin e Artan Mizës.

Për më shumë detaje, ndiqni sot në mbrëmje emisionin investigativ Fiks Fare në Top Channel/CityNews

Më poshtë vendimi i Gjykatës

 





Lajmet e fundit nga