E fundit!

15:31 Qyteti im

“Atdheu mbi të gjitha”/ Koncerti që bashkoi artistët dhe publikun në Pogradec

Përpara qindra qytetarëve dhe turistëve, në sheshin “Odeon...

Alfred Peza pranon denoncimin e Citynews/ Me kursimet e familjes bleva aksione në bankë

13 Janar 2017, 21:17, Aktualitet CNA

Deputeti i Rilindjes Alfred Peza, ka zgjedhur orët e vona të mbrëmjes që të japë sqarimin e tij në lidhje me shkrimin e publikuar në Citynews se bashkëshortja e tij kishte blerë me një shumë prej 1.13 miliardë lekë, 1% aksione në një prej bankave private të vendit.

Peza në sqarimin e tij thekson se lajmi është i pakonfirmuar, por në asnjë rast nuk ka mohuar blerjen e aksioneve në një bankë private. Ai shprehet se nuk ka përfituar nga fondet publike dhe thekson se bashkëshortja e tij nga viti 2012 dhe më pas Peza në vitin 2013 janë subjekt të deklarimit të pasurive.

Deputeti i Rilindjes pranon blerjen e aksioneve si investime të familjes, por në asnjë rast nuk sqaron pse në vitin 2013 pasuritë janë afërsisht 200 milionë lekë dhe më pas në 18 muaj kthehen në 1.13 miliardë lekë.

Citynews po publikon të plotë sqarimin e deputetit të Rilindjes Alfred Peza dhe më pas do të sjellë edhe një sqarim në lidhje me reagimin e deputetit të Rilindjes.

Sqarim mbi “skandalin e madh” ku me kane perfshire!

Alfred Peza

Gjate dites se sotme, ne nje portal ne pronesi te zedhenesit te ish ministrit te Finacave ne qeverine Berisha, nje kuriozitet per pasurine e familjes time, eshte shitur si nje “skandal i madh”. Dhe sic ndodh ne te tilla raste, si nje epidemi gripi, ky lajm i pakonfirmuar dhe pa u kerkuar ne asnje rast sqarime nga une apo bashkeshortja ime, eshte shperndare ne dhjetra portale. Autori akuzon se bashkeshortja ime, krejt papritur, kishte blere aklsione ne nje banke. Duke aluduar se kjo ka lidhje me pozicionin tim si Deputet.
Ne respekt te opinionit publik dua te sqaroj se: Bashkeshortja ime ka qene dhe eshte subjekt i kontrollit dhe deklarimit te pasurise prej 15 vjetesh, qe nga viti 2002. Ndersa une, nga viti 2013 e ne vijim. Per rrjedhoje, te gjitha veprimet tona financiare dhe pasurore kane qene dhe jane te kontrolluara nga ILDKP. Deri me sot, as ajo dhe as une, nuk kemi menaxhuar asnjehere, asnje lek nga fondet dhe pasurite publike.
Deri ne marsin e vitit 2015, kemi preferuar qe kursimet tona, ti depozitonim ne bankat e nivelit te dyte ne Shqiperi. Derisa vendosem qe keto para, ti investonim ne forme aksionesh bankare. Nje transaksion ky sa ligjor, i kontrolluar dhe transparent, si nje e drejte e cdo qytetari te kesaj Republike. Te gjitha keto veprime, jane te deklaruara dhe depozituara prane ILDKP brenda te gjitha afateve ligjore.
Te gjitha veprimet tona bankare, jane te pasqyruara ne kete dokument te bankes, qe mban daten 20 janar 2015 plot dy muaj perpara realizimit te kontrate shitje-blerje te aksioneve. Per kedo qe eshte i interesuar, mund ti drejtohet ILDKP dhe te mare gjithe informacionin qe deshiron.