E fundit!

11:11 Kosova & Bota

Tërmeti i fuqishëm godet Greqinë

Një tërmet i fuqishëm me magnitudë 5.1 ballë të shkallës R...

Deputeti Ndocaj denoncon linjën Blue Panorama/ Përplaset me përfaqësuesit

13 Janar 2017, 19:28, Aktualitet CNA

Deputeti Eduart Ndocaj ka denoncuar publikisht linjën ajrore Blue Panorama. Ai shprehet se fluturimet e kësaj linje vonohen disa herë pa pasur asnjë shpjegim.

Përmes një postimi në rrjetet sociale, Ndocaj tregon se ditën e djeshme shumë shqiptarë kanë pritur nga ora 7 e mëngjesit deri në 08:30 të mbrëmjes për të udhëtuar.

?Unë, Eduart Ndocaj, në cilësinë e Deputetit të Republikës së Shqipërisë, anëtar i Komisionit të Aktiviteteve Prodhuese dhe Tregtisë dua të reagojë për linjën ajrore Loë Cost, Blue Panorama që tashmë prej disa muajsh bën udhëtime direkte nga Aeroporti Nënë Tereza në drejtim të qyteteve të ndryshme evropiane. Për arsye pune udhëtoj shpesh me linjën ajrore Blu Panorama ose Panorama Express nga Milano drejt Aeroportit Nënë Tereza! Më ka ndodhur shpesh që të presim me orë nëpër aeroporte pa paditur arsyet, pa pasur asnjë shpjegim e mbi të gjitha pa pasur asnjë rimbursim. Dje, si shumë shqiptarë kam pritur që në 7 të mëngjesit deri në orën 20.30 të darkës për të udhëtuar me Blu Panoramën!?, shkruan Ndocaj

Ai thekson se është përplasur me përfaqësuesit e kësaj linje ajrore pasi kërkonin që të mos e lejonin të udhëtonte me pretendimin se nuk kishin bërë konfirmimin. Ndocaj nënvizon se gjuha e tyre lë për të dëshiruar.

?Jo vetëm se kemi pritur për orë të tëra në aeroportin e Malpensës në Milano, por unë dhe disa të tjerë patëm një përplasje verbale dhe të pakëndshme me përfaqësuesit e kësaj kompanie të cilët kërkonin të mos na lejonin të hipnim në avion për të udhëtuar drejtë Shqipërisë me motivimin se nuk kishim bërë konfirmimin. Gjuha e përdorur e përfaqësuesve të kësaj kompanie ajrore linte për të dëshiruar, sepse ata nuk kërkuan asnjë ndjesë për vonesën prej disa orësh, por për shkak të praktikave absurde kërkuan të anulonin fluturimin. Ky reagim i imi nuk është vetëm në cilësinë e Deputetit të Republikës së Shqipërisë, por edhe një qytetari që udhëton ashtu siç udhëtojnë mijëra shqiptarë, të cilët padrejtësisht trajtohen si qytetarë të dorës së dytë. Tashmë pritja e shqiptarëve nëpër aeroporte nuk është risi e kjo ndodh vetëm me linjat që udhëtojnë drejt Shqipërisë. Kam nderin të bëj pjesë tek ato deputetë të lirë, që nuk kanë konflikti interesi apo interesa.?, vijon Ndocaj

Më tej, ai shprhet se është dakord që të hiqet monopoli i kompanive shqiptare që udhëtojnë drejt Shqipërisë.

?Jam plotësisht dakord të hiqet monopoli i kompanive që udhëtojnë drejt Shqipërisë, po ashtu jam dakord për investimet e huaja që vijnë në Shqipëri, që sjellin kapital, por kanë edhe interesa e përfitime ekonomike. Si anëtar i Komisionit të Veprimtarive Prodhuese dhe i Tregtisë u kërkoj autoriteteve shqiptare që të merre seriozisht jo vetëm me linjën ajrore Blue Panorama, por me çdo lloj kompanie që nuk respekton kushtet e kontratave e mbi të gjitha që i konsideron shqiptarët si qytetarë të dorës së dyti. Historia e shqiptarëve si qytetarë të dorës së dytë duhet të marr fund njëherë e mirë!?, përfundon ai