web counter
LEXO PA REKLAMA!

SHKARKO APP

App Store
Google Play

PISA/ Nxënësit i kanë arritur vetë rezultatet, reforma e Ramës vetëm pengesë

13 Janar 2017, 18:14, Aktualitet CNA

Deputeti i Partisë Demokratike Luçiano Boçi, shprehet se kryeministri Edi Rama nuk e ka kuptuar që testi i PISA nuk është kulla e PISA-s, nga maja e virtuale e së cilës ai mund të përqeshë nxënësit, mësuesit apo studentët, sic bëri sot në takimin me 15 vjeçarët.

Sipas Boçit, merita e tyre nuk i takon as Ramës, as Linditës, por i takon aftësive personale. Ai thekson se “Reformat” e Ramës nuk kanë bërë gjë tjetër, veçse e kanë “ngrirë” arsimin dhe i kanë grirë nga xhepat nxënësit, studentët e familjarët e tyre.

Më poshtë, deklarata e Boçit

Kryeministri ynë ende nuk e ka kuptuar që testi PISA nuk është kulla e PISA-s, nga maja virtuale e së cilës ai të mund t’i përqeshë nxënësit, mësuesit, studentët, profesorët, siç bëri sot në takimin me 15 vjeçarët. PISA është testi që mat një investim shumëvjeçar arsimor e social.
Merita e rezultateve të tyre, nuk i takon as Ramës, as Linditës. I takon aftësive personale dhe zgjidhjeve programore e lëndore të ndërtuara që nga 2007.
“Reformat” e Ramës nuk kanë bërë gjë tjetër, veçse e kanë “ngrirë” arsimin dhe i kanë grirë nga xhepat nxënësit, studentët e familjarët e tyre.
Kanë atrofizuar mësimdhënien dhe kanë ulur ndjeshëm cilësinë.
Kanë degraduar deri në pamundësi kryerje të procesit mësimor, institucionet arsimore, duke mos bërë asnjë investim në këto vite.
“Reforma” në Arsim e Ramës, ka prodhuar lumej leku e interesi për klientelën e tij dhe lumej tallje, përçmimi, arrogance zhvatje, për mësuesit, nxënësit, shkollat, pedagogët e Universitetet publike.
Rama që i “ka vënë drynin” shkollave, me paaftësinë totale të qeverisjes së tij, kërkoi sot të shfaqej si “çliruesi” i mendjeve të nxënësve!?
As më pak e as më shumë , nga gaztori i të rriturve, sot u bë dhe gaztori i fëmijëve në këto ditë pushimi të detyruar.





17:38 Aktualitet

Facebook me probleme

Prej disa minutash rrjeti më i përdorur social në botë ka sh...

Lajmet e fundit nga