web counter
LEXO PA REKLAMA!

SHKARKO APP

App Store
Google Play

Tubat e TAP-it dhe çimento për Libi i zbardhin faqen Portit të Durrësit

13 Janar 2017, 19:50, Aktualitet CNA

Autoriteti Portual Durrës ka bërë bilancin e punës për vitin 2016. Bilanci është bërë përsa i përket aktivitetit të ngarkim shkarkimit dhe të trasportit të udhëtarëve dhe mjeteve motorrike në port, jo të të ardhurave financiare për APD-në gjatë vitin 2016.

Bie në sy, që në port gjatë vitit 2016 u bregëzuan 1795 mjete lundruese nga të cilat 1036 ishin tragete. Në port gjatë 2016 janë përpunuar 248 anije mallrash gjenerale, ndërsa në Terminalin e Konteinerëve (koncesionari turk) janë përpunuar 200 anije konteinermbajtëse të tipit ?feeder?. Në Terminalin Lindor (koncesionari gjerman) u përpunuan vetëm 60 anije. Portin e Durrësit gjatë vitit të shkuar e kanë vizituar edhe 25 krociera dhe velierë turistik si edhe 218 jahte.

Mallrat dhe pasagjerët gjatë vitit 2016

Gjatë vitit 2016 në Portin e Durrësit u përpunuan 3,5 milion ton mallra, prej të cilave 1,2 milion ton mallra i përkasin eksportit, pjesa tjetër janë importe ose tranzite. Me tragetet ka një rritje prej 3% (770 000 ton për vitin 2016) të import-eksportit të mallrave krahasuar me 2015, ndërsa përpunimi i mallrave me anijet e tjera ka një rënie prej 2% krahasuar me 2015. Në strukturën e mallrave për 2016 bie në sy një import prej 112 mijë ton tuba për projektin e ndërtimit të Gazësjellësit TAP si edhe një sasi prej 87 mijë tonësh cimento në paleta dhe rifuxhio të markave Antea Cement dhe Cement Albania e investitorit të huaj libanez (fabrikat e cimentos në Fushë Krujë dhe Elbasan) e eksportuar kryesisht drejt tregut libian.

Gjatë vitit 2016 me tragete janë trasnportuar drejt dhe nga portet italiane 840 000 pasagjerë shqiptarë e të huaj si edhe 178 000 autovetura , pa përmendur këtu furgonët, autobuzët,  kamionët  dhe trajlerat.

NGA GJERGJ THANASI





17:38 Aktualitet

Facebook me probleme

Prej disa minutash rrjeti më i përdorur social në botë ka sh...

Lajmet e fundit nga