E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e dytë e Këshillit Kombëtar, ...

Ministria i lë pa shpërblim/ Arsimtarët paralajmërojnë grevë

19 Dhjetor 2016, 12:22, Aktualitet CNA

Sindikata e Arsimit të Shqipërisë në degën e Pukës, kanë paralajmëruar ditën e nesërme një grevë duke bojkotuar një orë mësimin.

Përmes një deklarate për shtyp, arsimtarët e degës së Pukës shprehen të shqetësuar që Ministria e Arsimit i ka lënë sërisht pa shpërblimin e fundvitit.

Ata i bëjnë thirrje të gjithë arsimtarëve të kësaj zone ti bashkohen për të drejtat e mohuara.

Më poshtë, deklarata e plotë

Të nderuar kolegë mësues!

Dega e SPASH-it Pukë, me gjithë strukturat e saj, si organizmi kryesor në mbrojtjen dhe promovimin e lirive dhe të të drejtave të arsimtarëve, sot është e angazhuar maksimalisht në potencimin e një lëvizjeje sindikaliste me sens rifitimin e të drejtave të mohuara gjatë këtyre katër viteve.

Përtej demagogjisë dhe tullumbaceve propagandistike të MAS-it, përtej retorikës së mbushur me ornamente reformash dhe klishe arritjesh të ?arsimit të gjeneratës tjetër?, të cilat në thelb janë kamuflazh i dështimeve spektakolare, ne kërkojmë, asgjë më shumë, përvecse një të drejtë të pranuar nga negocimi i palëve dhe i shprehur në kontratën kolektive të punës.

Është viti i katërt radhazi, që mësuesit nuk marrin shpërblimin e fundvitit prej 10 mijë lekësh të reja, të parashikuar në kontratën kolektive të punës, neni 10, pika 10/11, kontratë e firmosur dhe e dakortësuar nga vetë ministrja e arsimit dhe sportit znj. Nikolli. Kjo nëpërkëmbje e figurës së mësuesit, është panorama dhe identikiti i vizionit që ka ministrja në fjalë për cilësinë e arsimit dhe reformat e saj.

Aleanca sindikale (SPASH, FSASH), për realizimin e kërkesës sonë të ligjshme për dhënien e shpërblimit të fundvitit prej 10 mijë lekësh, njofton të gjithë arsimtarët se, ditën e martë, datë 20.12.2016, në të gjitha shkollat e bashkisë Pukë dhe të bashkisë Fushë-Arrëz, në përputhje me nenin 50 të Kushtetutës së Republikës së Shqipërisë, që garanton të drejtën e grevës; si dhe në bazë të neneve 197, 197/1, 197/2, 197/3, 197/4, 197/8, 197/9 dhe 197/10 të Kodit të Punës në Republikën e Shqip;ërisë, do të zhvillohet grevë një orëshe e shprehur me bojkotim të procesit mësimor, orën e parë të mësimit, si dhe për ta përshkallëzuar në vazhdim në rast të indiferencës dhe moskokëcarjes ministrore.

Sqaroj kolegët arsimtarë, se MAS-i është njoftuar nëpërmjet shkresave të adresuara periodikisht nga përfaqësuesit e aleancës sindikale, por konstatojmë se parteriteti i parashikuar në kontratë nuk funksionon dhe heshtja arrogante është përgjigja që vjen nga titullarët e dikasterit përkatës.

Kolegë të nderuar!

Ne jemi në të drejtën tone kushtetuese, duke kërkuar një të drejtë të mohuar padrejtësisht prej katër vitesh, ndaj të mos trembemi nga asnjë manovër që mund të bëhet për të sfumuar lëvizjen. Liria sindikale është e mbrojtur me ligj. I apeloj, cdonjërit apo cdokujt që tenton të trysnojë mësuesit apo të përdorë marifete të lloj-llojshme për të kërcënuar arsimtarët në lirinë e tyre sindikaliste, se do të përballen me kundëreagimin tonë, duke faktuar paligjshmërinë e tyre.

Ftoj mësuesit, të kenë besim në kërkesën dhe të drejtën e tyre, pasi përmes reagimit sindikalist, ne do të rivendosim dinjitetin tonë.