E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e e dytë e Këshillit Kombëtar...

Fotot ekskluzive dhe skandali/ Ja si kërkon t’i blejë LSI gazetarët

19 Dhjetor 2016, 11:53, Aktualitet CNA

Me afrimin e zgjedhjeve parlamentare të vitit 2017, partitë politike kanë nisur fushatat e tyre thuajse në çdo zonë të vendit. Takime me banorë, dëgjesa publike dhe shumë aktivitete të tjera janë strategjitë e dy partive të mëdha në vend. Por, Lëvizja Socialiste për Integrim ka një tjetër mënyrë të të bërit fushatë. Si forcë politike e skandaleve, LSI këtë herë ka zgjedhur të ?viktimizojë? gazetarët.

Ish-Ministri i Transporteve Edmond Haxhinasto, i shoqëruar nga drejtori i përgjithshëm i rrugëve Dasahmir Xhika dhe disa sponsora, kanë ftuar gazetarët në një darkë me rastin e festave të fundvitit tek taverna ?Ura e Sulovës? në Elbasan në datën 16 dhjetor.

Deri këtu gjithçka është normale. Palët politike i ftojnë gazetarët në ceremoni të tilla, por Haxhinasto dhe Xhika nuk e kanë mbyllur me një festë apo dhuratë simbolike që do të ishte shumë normale.

Dy personazhe të përfolur dhe akuzuar për korrupsion, lekët e fituara me ?djersën ballit? nuk i kanë futur në llogari në banka në off-shore. Ata kanë zgjedhur ti mbajnë ?kesh? dhe të mbushin edhe zarfa.

Kështu ka ndodhur fatkeqësisht në atë mbrëmje, ku pas darkës me gazetarët një nga përfaqësuesit e LSI-së, kur po largoheshin iu ka dhënë atyre nga një zarf. Një ?dhuratë? për festat me shumën 100 mijë lek të vjetra, diçka më shumë se shpërblimi i kryeministrit për pensionistët ishte shpërblimi i Haxhinastos dhe Xhikës për gazetarët e Elbasanit.

Citynews disponon edhe foto të tjera të darkës dhe ka identifikuar të gjithë gazetarët që ishin të pranishëm në mbrëmje dhe që kanë marrë ?dhuratën?, por për hir të etikës nuk do t’i publikojmë asgjë, pasi problemi nuk janë ata. Problemi është LSI që tenton të blejë gjithçka, pikërisht disa muaj para zgjedhjeve duke gjetur festat si pretekst.

Korespondentët e mediave janë njerëzit më të pak paguar në gazetari, por veprimi i Edmond Haxhinastos, Dashamir Xhikës dhe shpurës së tyre nga gazetarëve është një akt i pastër korruptiv përpara zgjedhjeve lokale.

LSI dhe çeta e saj edhe njëherë tregojnë se në zgjedhjet e ardhshme do bëjë një masakër elektorale me blerje votash. Akuzat për korrupsion dhe paratë e ardhura prej tij tashmë e kanë destinacionin e sigurt. Blerjen e votës të qytetarëve që duket se nuk do jetë asgjë për LSI-në dhe Ilir Metën. Asgjë sepse kur veprojnë dhe kanë kurajo të paguajnë me zarfa gazetarët, qytetarët e thjeshtë dhe të varfër nuk e kanë problem aspak.

Dhe skandali duket hapur, filloi në Elbasan për të mos u ndalur më. Një ish-ministër, ish deputet i atij qarku i shoqëruar nga Drejtori i Përgjithshëm i ARRSH, mbushin zarfa e paguajnë gazetarët duke dhunuar dhe fyer profesionin e tyre, por edhe duke zbardhur skandalin e radhës të LSI-së, Ilir Metës apo çetës që e ndjek nga pas.

Ne si citynews nuk e shohim problemin tek gazetarët, pasi jemi të bindur se ata do ta tregojnë vlerën e tyre në misionin që kanë zgjedhur të kryejnë, ku duhet të kenë Haxhinaston në ?grykën e topit? për të zbardhur të gjitha aktet korruptive për blerjen e votës, lëvizjet, emërimet dhe shkarkimet që kryen.

Të japësh një dhuratë nuk ka asgjë të keqe. Me rastin e festave mund të dhurosh një shishe verë, një libër apo çdo gjë tjetër simbolike, por jo zarfa me para. Me këtë akt të turpshëm, LSI tregon edhe një herë se nuk ka respekt për këtë profesion duke shembur mocionin e moralit etik dhe politik./citynews

Më poshtë fotot