E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e dytë e Këshillit Kombëtar, ...

Nga Kastriot Myftaraj/ Berisha fut edhe Lulzim Bashën në tablonë sinoptike të 21 janarit, si komplotist

19 Dhjetor 2016, 11:09, Aktualitet CNA

Në intervistën e fundit që Sali Berisha dha në emisionin ?Top Story? të Sokol Ballës, kur foli për konspiracionin e Sorosit kundër tij, bëri një aluzion të hollë se kishte edhe sorosianë të brendshëm që kishin vepruar kundër tij. Sorosiani më i shquar në PD, në atë kohë dhe sot ishte dhe është Lulzim Basha, të cilit Sorosi i bëri nderin e madh që t? i bënte një vizitë në selinë e partisë, një nder që nuk ia kishte bërë kurrë më parë as Sali Berishës, as Fatos Nanos, as Ilir Metës. Një nder të tillë Sorosi ia kishte bërë vetëm Edi Ramës, pasi ky u bë kryetar i PS-së.

Sali Berisha e bëri Bashën trashëgimtarin e tij politik, për të kënaqur Sorosin, por ashtu si Nanos para tij, që bëri të njëjtën gjë me Ramën, kjo gjë nuk iu shpërblye me mirënjohje nga ana e Sorosit.

Enver Hoxha dikur bëri tablonë sinoptike të famshme për Mehmet Shehun, ku pas vdekjes së këtij shtoi si komplotist edhe Kadri Hazbiun, ish-ministrin për shumë vite të punëve të brendshme. Sali Berisha tani që u sigurua pas zgjedhjeve në Amerikë, se fuqia politike e Sorosit në Ëashington ka marrë fund, tha më në fund se edhe 21 janari ishte një komplot sorosian kundër tij.

Nëqoftëse ishte kështu, atëherë në këtë komplot ka pasur një rol të rëndësishëm edhe Ministri i Punëve të Brendshme në Qeverinë ?Berisha? të asaj kohe, Lulzim Basha, i cili atë ditë na u shfaq në tarracën e selisë së Kryeministrisë. Çfarë roli kishte Basha atë ditë, kur sipas Berishës kërkohej vrasja e tij?

Duket se Bashës akoma nuk ia kanë caktuar një rol konkret në komplot, por këtë do ta bëjnë pas zgjedhjeve të 18 qershorit, kur Berisha do të kërkojë t? ia japë shkelmin Bashës për ta flakur nga PD. Me këtë rast, do të rihapet dhe çështja e rolit të Bashës në 21 janar. Berisha që nga prapaskena do të dirigjojë luftën politike ndaj Bashës, duke pasur komoditetin që të mos jetë i detyruar të thotë, ashtu si Enver Hoxha në plenumin ku u dënua Kadri Hazbiu: ?Shoku Kadri, ngrihu dhe na jep shpjegime!?

Nuk është çudi që pas zgjedhjeve Basha të shpallet poliagjenti i parë në PD, i infiltruar në parti nga Sorosi për të marrë drejtimin e partisë dhe për ta çuar nga humbja në humbje. Gjithashtu, Basha do të fajësohet edhe për vrasjet e 21 janarit, të cilat si Ministër i Brendshëm i nxiti për të diskredituar Kryeministrin, domethënë Berishën. Basha do të fajësohet edhe për koston e lartë të Rrugës Rrëshen-Kalimash, pasi ishte ministri që bëri kontratën me konsorciumin Bechtel-Enka.

Pastaj Basha mund të ikë lirisht në Holandë, te familja e tij, bashkë me paratë që ka bërë, ndërsa Berisha do të vazhdojë të bëjë politikë në PD.

*Shkruar ekskluzivisht për citynews