web counter
LEXO PA REKLAMA!

SHKARKO APP

E fundit!

x

Operacion antidroge/ Arrestohen 22 persona në Shqipëri e Itali

19 Dhjetor 2016, 10:49, Aktualitet CNA

Policia e Shtetit ka zhvilluar një operacion antidrogë me Policinë Italiane të  koduar “Boaster”.  Burime nga policia bëjnë me dije se nga ky operacion janë arrestuar 22 persona në Itali e Shqipëri. Të njëjtat burime theksuan se 20 prej tyre janë arrestuar  në Itali dhe 2 në Shqipëri.

Operacioni ka nisur në orën 06:00 të mëngjesit të sotëm ku janë përfshirë strukturat, Drejtoria për Hetimin e Narkotikëve dhe Trafiqeve, ZQK Interpol Tirana, D.V.P. Durrës, Tiranë dhe Elbasan.

Persona u arrestuan si pjesë e një organizate kriminale që merrej me trafikimin e lëndëve narkotike me shtrirje në vendin tonë dhe në vendet e BE-së. Nga 22 shtetasit e arrestuar, 2 prej tyre janë arrestuar në vendin tonë në orët e para të mëngjesit.

Nga Strukturat e Policisë së Shtetit të përfshira në këtë operacion janë arrestuar shtetasit Enea(Eldi) MILLA (DOMA), 32 vjeç, lindur në Tiranë, dhe Adriatik ALSHABANI, 29 vjeç, lindur në Durrës.

Operacioni vijon ende dhe në përfundim të tij do t’ju bëjmë me dije edhe emrat e të arrestuarve në Itali .





Lajmet e fundit nga