web counter
LEXO PA REKLAMA!

SHKARKO APP

App Store
Google Play

E fundit!

x

Kompensimi i pronarëve/ ATP shpërndan 976 milionë lekë për trojet

2 Dhjetor 2016, 08:56, Aktualitet CNA

Agjencia e Trajtimit të Pronave ka vijuar punën për vlerësimin financiar të vendimeve përfundimtare, që kanë njohur të drejtën e kompensimit për vitet 1993 dhe 1994, me hyrjen në fuqi të ligjit për ?Trajtimin e pronës dhe përfundimin e procesit të kompensimit të pronave? dhe vendimit të Këshillit të Ministrave nr. 223 datë 23.03.2016 për ?Përcaktimin e rregullave dhe të procedurave për vlerësimin dhe shpërndarjen e fondit financiar e fizik për kompensimin e pronave?.

ATP njofton se ka përfunduar shqyrtimin e 153 aplikimeve, me objekt kompensimin financiar dhe kompensimin fizik nga fondi i tokës në dispozicion të ATP, për pronën e njohur me vendimet e ish KKKP. Sipas gazetws “Sot” vlera e fondit financiar të shpërndarë është 976 832 693 lekë. Sipërfaqja e kompensuar, e njohur me vendimet e aplikimeve të shqyrtuara, është 99 361 m2 (10 ha), e vlerësuar financiarisht tokë truall dhe 313 115 m2 (31,3 ha), e vlerësuar financiarisht tokë bujqësore. Sipërfaqja e shpërndarë nga fondi i tokës në dispozicion të ATP për kompensim fizik është 471 935 m2 (47,2 ha), tokë bujqësore.

Në zbatim të kuadrit të ri ligjor, të hyrë në fuqi në vitin 2016, si dhe njëkohësisht falë sistemit të ri WEB-GIS që po implementohet nga ATP, për aplikimet e shqyrtuara deri më tani janë evidentuar 3 raste me mbivendosje të sipërfaqeve të njohura për kompensim me vendime të ndryshme të ish KKKP. Për këto raste të evidentuara me mbivendosje të së drejtës për kompensim, ATP ka vijuar procedurat për ekzekutimin e vendimit në pjesët që nuk kanë mbivendosje. Për pjesën që është me mbivendosje, Agjencia ka depozituar vlerën përkatëse në një llogari të veçantë bankare, e cila, pas zgjidhjes përfundimtare të mbivendosjes, me marrëveshje me njëri- tjetrin ose në rrugë gjyqësore, do t?i paguhet subjektit./ Citynews





Lajmet e fundit nga