web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet paketa e plotë/ Ja sa do rriten pagat dhe pensionet sipas kategorive

2 Dhjetor 2016, 07:45, Aktualitet CNA

Buxheti i vitit 2017 parashikon një rritje të pagave dhe pensioneve sipas kategorive përkatëse. Duke ju referuar buxhetit, paga minimale në administratë do të pësojë një rritje prej 36% dhe nga 220 mijë lekë do të shkojë 370 mijë lekë. Gjithashtu rritje do të pësojnë edhe kategoritë e tjera, ndërsa mesatarja do të jetë rreth 7%.

Pagat e mësuesve, pedagogëve dhe profesorëve do të pësojnë një rritje me 10%.

Sipas gazetës ?Sot?, duke filluar nga data 1 janar, rroga mesatare bruto për mësuesit e 9-vjeçares do të shkojë 646 mijë lekë, për mësuesit e gjimnazeve, 679,50 mijë lekë, për lektorin do rritet mesatarisht me 103 mijë lekë në muaj, për profesorin do të rritet mesatarisht me 139 mijë lekë në muaj.

Sa i përket ndarjes sipas kategorive; Mësuesit e 9-vjeçarëve: Rritje me 10% ? 646 mijë lekë, mësuesit e gjimnazeve: Rroga shkon në 678,50 mijë lekë; Lektorët: rritje me 103 mijë lekë në muaj, Profesorët: rritje me 139 mijë lekë në muaj.

Mjekët gjithashtu do të përfitojnë një rritje me 13% , nga 690 mijë lekë në 780 mijë lekë. Infermierët ? Rritje me 15%, nga 390 mijë lekë në 450 mijë lekë.

Edhe për policinë e shtetit pritet një rritje prej 10%, ndërsa pensionet do të rriten në masën 3%./ Citynews





Lajmet e fundit nga