web counter
LEXO PA REKLAMA!

SHKARKO APP

App Store
Google Play

E fundit!

x

SHBA merr Byronë e Hetimit/ Shkon në Kuvend marrëveshja për arrestimin e zyrtarëve

2 Dhjetor 2016, 08:19, Aktualitet CNA

SHBA-të kanë nisur lëvizjet për të marrë në dorë Byronë Kombëtare të Hetimit. Sipas gazetës “Sot”, ditën e djeshme ka shkuar në Kuvendin e Shqipërisë një marrëveshje e firmosur mes ministrit të Brendshëm, Saimir Tahiri dhe ambasadorit amerikan, Donald Lu, ku SHBA do të japë ndihmën e saj në luftën ndaj korrupsionit dhe krimit të organizuar. Marrëveshja në fjalë ndryshon marrëveshjen e vitit 2015 dhe aty jepen detaje të forta se si do të shkohet në arrestimin e zyrtarëve të korruptuar. Edhe pse Gjykata Kushtetuese me politikën shqiptare vijojnë të bllokojnë Vettingun dhe nxjerrin pretekste për të zvarritur reformën, për SHBA kjo nuk ka fare rëndësi. Që kur nisi reforma, synimi i tyre ishte Byroja e Hetimit dhe me këtë marrëveshje SHBA i jepet liri që të dërgojë pas hekurave gjithë zyrtarët e korruptuar. Po ashtu në sajë të kësaj marrëveshje, SHBA do të japë ndihmë në zbatimin e vetingut. Kjo do të thotë se me të filluar viti 2017, politikanë, gjyqtarët, prokurorët dhe kapo të krimit do të duhet të frikësohen, pasi agjentë të SHBA do zbarkojë në Tiranë. Po ashtu do të vijnë aparatura speciale dhe do jepen fonde që asnjë i korruptuar të mos i shpëtojë reformës.

Në marrëveshjen e arritur me SHBA, thuhet se amerikanët do të zbarkojnë në Tiranë për të dhënë asistencën e tyre në luftën ndaj korrupsioni. Sipas marrëveshjes, FBI dhe SHBA do të japin asistencën e tyre duke trajnuar prokurorët dhe gjyqtarët antikorrupsion, si dhe do të sjellin pajisje të teknologjisë më të fundit për Byronë Kombëtare të Hetimit./ Citynews





Lajmet e fundit nga