web counter
LEXO PA REKLAMA!

SHKARKO APP

App Store
Google Play

Dita Ndërkombëtare kundër Dhunës/ Klosi: Do të ndryshojmë ligjin

25 Nëntor 2016, 13:43, Aktualitet CNA

Në Ditën Ndërkombëtare kundër Dhunës, me propozim të MMSR, në të gjitha shkollat e vendit ora e parë u zhvillua dedikuar kësaj teme. Në të gjitha shkollat  9 vjeçare dhe të mesme, u diskutua mbi këtë temë, si dhe u sollën punime në pikturë, ese, krijime artistike të temës së dhunës dhe mënyrës për ta minimizuar atë.

Ministri Blendi Klosi dhe ministrja e Arsimit Lindita Nikolla morën pjesë në orën e parë të mësimit në shkollën 9 vjeçare Fan Noli në Tiranë. Ata vizituan disa klasa dhe ndoqën një pjesë të diskutimit të mësuesve dhe nxënësve, gjatë trajtimit të temave të dhunës, si të rritim sensibizilimin, si ta denoncojmë, si ta refuzojmë.

Ministri Blendi Klosi paralajmëroi ndryshime ligjore në ligjin e dhunës. Por, ai deklaroi se edukimi që në fëmijëri për të denoncuar, kundërshtuar, refuzuar dhunën është një nga mekanizmat afatgjatë dhe të sigurt për një shoqëri më të drejtë.

?Ne do të përpiqemi që nëpërmjet mekanizmave që bëjmë ne të rriturit, të ndryshojmë ligjet, ligjin ?Kundra Dhunës?, ndryshime ligjore për ta bërë më gjithpërfshirës?, tha Klosi.

Ndërsa Ministrja Nikolla u shpreh se ky nuk do të mbetet vetëm mesazh i një ore po do të jetë një reagim qytetar ndaj shfaqjeve të tilla që kurrsesi nuk mund të jenë të pranueshme për shoqërinë tonë./ Citynews





Lajmet e fundit nga