web counter
LEXO PA REKLAMA!

SHKARKO APP

App Store
Google Play

Prerja e paligjshme e pyjeve/ Sekuestrohen 8 m kub lëndë drusore

25 Nëntor 2016, 11:45, Aktualitet CNA

Vijon operacioni i koduar ?Roja e Gjelbër?, për prerjen e paligjshme të pyejeve.

Policia e Shkodrës në zbatim të planit të masave për parandalimin dhe goditjen e prerjes së paligjshme të pyjeve, në bazë të informacioneve të siguruara në rrugë operative kanë evidentuar e goditur një tjetër rast. Në pranga ka rënë shtetasi A.C, 27 vjeç, banues në Shkodër

Arrestimi i këtij shetasi u bë pasi në vendin e quajtur rruga e “Kullajve”, fshati Postrribë, Shkodër, me autoveturën e tij tip ?Mercedes Benz? ka bllokuar rrugën kryesore duke penguar forcat e policisë në kryerjen e detyrës së tyre, të cilët ishin vënë në ndjekje të një mjeti kamion të ngarkuar me lëndë drusore, duke i kundërshtuar forcat e policisë deri në largimin e kamionit.

Policia, rreth 2 km më larg, ka konstatuar të aksidentuar dhe të braktisur mjetin tip IFA (kamion) me targë SH 0376 E, i ngarkuar me 8 m kub lëndë drusore, mjet ky në pronësi të shtetasit Astrit Cekaj, i cili u sekuestrua në cilësinë e provës materiale.

Nga verifikmet e bëra rezultoi se, në mjetin tip IFA (kamion) kanë qenë tre persona, të cilët duke përfituar nga errësira dhe terreni malor, janë larguar dhe po punohet për identifikimin dhe kapjen tyre.

Materialet i kaluan Prokurorisë së Rrethit Gjyqësor Shkodër për veprat penale ?Prerja e paligjshme e pyjeve në bashkëpunim” dhe “Kundërshtim i punonjësit të policisë së rendit publik?./ Citynews





Lajmet e fundit nga