web counter
LEXO PA REKLAMA!

SHKARKO APP

App Store
Google Play

E fundit!

x

Si po e “shkrin” Edi Rama PDIU-në?

25 Nëntor 2016, 10:27, Aktualitet CNA

Kryeministri i vendit po përdor një strategji politike për të vrarë ?me një gur, dy zogj?. Së pari, kryeministri po përdor PDIU-në e çameve, si një instrument presioni ndaj aleatit më të madh të qeverisjes siç është LSI. Prej disa kohësh PDIU është çelësi i stabilitetit të Qeverisë për presionet apo kushtet e vazhdueshme që i vendoste LSI kryeministrit Rama. Jo në pak raste çamët kanë siguruar 71 votat e mundshme në Parlament dhe tashmë janë aleatët më të ngushtë të Kryeministrit duke shpresuar që në zgjedhjet e ardhshme të jenë forca politike e dytë në koalicionin e Rilindjes, në rast se LSI do të dalë më vete, duke tentuar të shkojë nga një numër prej 3 mandatesh të fituara direkt, në rreth 9 apo 10 të tilla. Grupi i PDIU-së ka 5 mandate, dy prej të cilëve Shpëtim Idrizi dhe Mesila Doda kanë dalë nga lista e PD-së.

Edi Rama po i përdor çamët kundër Metës, jo vetëm tani në gjysmën e dytë të qeverisjes së tij, por do t?i përdorë dhe gjatë zgjedhjeve të 2017-ës. Kreu i Qeverisë beson se me Shpëtim Idrizin së bashku mund të shkojnë në 71 mandate dhe më pas të mbledhin parti të tjera të vogla rreth vetes, apo të tërheqin deputetë nga parti Parlamentare për të bërë një mazhorancë më solide.

Edi Rama i ka treguar provat që është duke përdorur PDIU-në për interesa të Qeverisë së tij, dhe kjo është diçka krejt normale midis dy aleatëve të qeverisjes. PS po i jep PDIU-së pjesë nga ?torta? e saj e pushtetit, për faktin se Meta nuk pranoi që çamët të ishin në qeveri sepse partia e Idrizit në zgjedhjet e 2013-ës ishte aleate me Sali Berishën.

Por, Edi Rama nuk ngopet me tërheqjen e çameve në koalicion, apo një skenar për të bërë 71 mandate deputetësh bashkë me PDIU-në. Së fundmi kreu i qeverisë ka ngritur tone nacionaliste ndaj Greqisë, ka filluar të bëhet më çam se çamët, më prift se prifti, më hoxhë se hoxha ndoshta edhe më katolik se Papa. Kreu i qeverisë ka një thikë në dorë pas shpine për çamët e PDIU-së, ai e di mjaft mirë se kjo forcë politike në zgjedhjet e 2013-ës ka rreth 45 mijë vota, që janë kryesisht të djathtë. Pikërisht për këtë arsye Edi Rama flet me gjuhën e ekstremizmit nacionalist, për të tërhequr pas vetes zgjedhësit e PDIU-së por edhe rryma të tjera nacionaliste. Rama në këtë rast rrit votat e partisë së tij dhe dobëson PDIU-në, duke mos e lejuar këtë të fundit të marrë më shumë se sa i takon. Ai tërheq pas vetes, çamë dhe nacionalistë, duke tentuar ta lërë Shpëtim Idrizin dhe partinë e tij në nivelet aktuale, për të mos pasur rritje votash nga pushteti që i jep PS. Rama kërkon që gjithçka ta fusë në thesin e socialistëve. Ai i do çamet në qeveri, i do edhe në koalicionin e zgjedhjeve 2017, por i do të dobët, jo më të fortë. Forcimi i PDIU-së do të ishte një problem i madh për Ramën, në rast fitoreje të zgjedhjeve të ardhshme.

Edi Rama me lëvizjet e tij, duke përdorur PDIU-në vret forcën e Ilir Metës, por nga ana tjetër duket përdorur tone nacionaliste dobëson edhe vetë peshën e PDIU-së. Kreu i qeverisë është mjaft i qartë, ai ?me një gur po vret dy zogj?. Pasojat i ka LSI dhe vetë PDIU që po përdoret tinëzarisht nga Kryeministri i vendit./ Citynews





Lajmet e fundit nga