web counter
LEXO PA REKLAMA!

SHKARKO APP

App Store
Google Play

Meta në Berlin: Integrimi i Shqipërisë, kyç për forcimin e sigurisë në rajon

25 Nëntor 2016, 13:35, Aktualitet CNA

Kryetari i Kuvendit të Shqipërisë, Ilir Meta u prit sot në një takim nga Kryetari i Komisionit të Punëve të Jashtme në Bundestagun Gjerman, njëkohësisht Zëdhënës i Politikës së Jashtme të Grupit Parlamentar të SPD, Niels Annen, me të cilin vlerësuan marrëdhëniet shumë të ngushta gjermano-shqiptare në të gjithë nivelet.

Meta shprehu mirënjohjen për mbështetjen e vazhdueshme të Bundestagut dhe në veçanti për qëndrimin konstant të Partisë Social Demokrate (SPD) ndaj zgjerimit të Bashkimit Evropian dhe integrimit të plotë të Shqipërisë, duke e cilësuar zgjerimin e BE drejt Ballkanit si kyç për forcimin e stabilitetit dhe sigurisë në rajon.

?Procesi i Berlinit, ku Gjermania luan një rol parësor, është tepër i rëndësishëm për vendet tona, duke i shërbyer ndërlidhjes rajonale dhe zhvillimit socio-ekonomik?, tha Meta.

Kryetari i Komisionit të Jashtëm në Bundestag, Annen u shpreh se pavarësisht disa zhvillimeve shqetësuese në disa vende evropiane, zgjerimi i Bashkimit Evropian është një opsion i hapur dhe i drejtë, ndaj avancimi përmes rrugëtimit realist të Ballkanit dhe veçanërisht i Shqipërisë drejt BE-së ka një rëndësi strategjike për gjithë Evropën.

?Ne këtu në Bundestag i kushtojmë vëmendje rajonit tuaj dhe jemi të përkushtuar ndaj perspektivës evropiane të Shqipërisë?, theksoi Annen.

Ndërsa duke biseduar mbi zhvillimet e fundit rajonale, u vlerësua asistenca gjermane në avancimin e reformave kyçe dhe në zhvillimin socio-ekonomik të rajonit tonë dhe u theksua rëndësia e zbatimit të reformës në drejtësi si kyçe për integrimin evropian të Shqipërisë./ Citynews





Lajmet e fundit nga