web counter
LEXO PA REKLAMA!

SHKARKO APP

App Store
Google Play

E fundit!

x

Përplasjet PS-LSI/ Meta shmang debatet në Parlament

24 Nëntor 2016, 12:49, Aktualitet CNA

Ilir Meta, aleati më i madh i Kryeministrit, kohët e fundit po përflitet se ka probleme të thella në koalicion, dhe në marrëdhënien e tij me Ramën. Mediat kanë raportuar për një tentativë të Metës, për destabilizim të qeverisë, ndërsa nga ana tjetër kryeministri i vendit afrohet më shumë me aleatët e PDIU-së duke braktisur LSI-së. Përplasjet po reflektohen së fundi edhe publikisht. Kreu i LSI-së ka filluar të braktisë seancat parlamentare me debate të forta, duke gjetur si justifikim takimet me ndërkombëtarët apo vizitat jashtë vendit.

Dy rastet e fundit janë më të freskëtat, mungesa në seancën e një jave më parë, gjatë debateve të forta pas audio-përgjimit të Ministrit të Shëndetësisë Ilir Beqja, dhe mungesa e sotme ku do të rivotohet ligji për importin e plehrave. Dy çështje të forta që Meta i shmang dhe i lë në dorë të Valentina Leskajt.

Kryeparlamentari mesa duket, i shmanget diskutimeve të çështjeve të rëndësishme që hapen gjatë seancave plenare.

Që prej mbrëmjes së djeshme vijon edhe sot protesta kundër importit të plehrave para Parlamentit. Ajo çka vihet re është se kreu i Kuvendit Ilir Meta, sa herë që ka çështje të rëndësishme për tu diskutuar në Kuvend ?zhduket?, duka ja lënë drejtimin zv. kryetares së Kuvendit Valentina Leskaj.

Edhe seancën e së enjtes së shkuar, kur në Kuvend pati përplasje mes deputetëve të PD dhe PS, Ilir Meta nuk ishte i pranishëm, dhe pse ishte në Shqipëri. Ai ndodhej në takime me diplomatë të huaj, dhe në vend të tij ishte zv. kryetarja Valentina Leskaj. Përplasjet e së enjtes së shkuar erdhën pas audio-përgjimit të Ministrit të Shëndetësisë Ilir Beqaj, e cila u transmetua në emisionin ?Stop? në Klan.

E njëjta gjë ndodh edhe sot, ku para Parlamentit po zhvillohet protesta kundër importit të plehrave, ndërsa Meta ndodhet në Gjermani për takime zyrtare.

Njeriu që pretendon se është njeriu i negociatave, në çdo rast që ka çështje të rëndësishme për të diskutuar në Parlament, asnjëherë nuk është i pranishëm. Gjithçka e bën, për t?ia lënë të gjitha kostot e këtyre çështjeve, Kryeministrit Edi Rama, dhe kështu vetë del i ?larë?./ Citynews





Lajmet e fundit nga