web counter
LEXO PA REKLAMA!

SHKARKO APP

App Store
Google Play

Ligji i Plehrave/ Blushi: Kazanët e Greqisë dhe Italisë do derdhen në Shqipëri

24 Nëntor 2016, 11:14, Aktualitet CNA

Deputeti i LIBRA-s Ben Blushi, duke folur në seancë plenare, ka kundërshtuar mossjelljen në seancë parlamentare të dekretit të presidentit për Ligjin e Mbetjeve.

Sipas tij, kjo gjë ka ndodhur pasi mazhoranca nuk I ka votat e nevojshme për kalimin e ligjit.

?Ishte parashikuar të ishte në këtë seance por nuk ka as një justifikim pse dekreti i presidentit nuk është sot për votim. Ata qëpranuan që Shqipëria të kthehet në kazan nuk kanë guximin të dalin këtu dhe të thonë pse nuk është dekreti i presidentit në seance. Silleni dekretin në parlament dhe të shohim kush është pro dhe kush është kundër. Kush është për jetuar në kazan dhe kush jo. Unë e di pse nuk e sillni ligjin sot. Sepse nuk keni vota. Për shkak të presionit popullor dhe që i keni marrë me polici?, tha Blushi

Sipas tij, në rajon nuk ka asnjë vend që ka një ligj të ngjashëm.

?I kam ftuar kazanollogët e Rilindjes të thotë kush ka ligj të ngjashëm, do thonë që BE na kërkon të fusim mbetjet, unë nuk besoj që BE na kërkon kur ne nuk kemi kapacitet, por kemi më shumë mbetje se c?i duhen industrisë së riciklimit për të dalë me fitim. Nga Kroacia, Mal të Zi, Maqedoni, që ka ligj që importon mbetje se nuk kanë kapacitet, e BE nuk i bën presion ti kthejë në kazan plehrash”, tha ai.

?Përreth nesh janë bërë gati kazanët e jugut të Italisë dhe Greqisë veriore për tu derdhur në vend, po më thoshte një mik që kishte takuar kreun e bashkisë së Korfuzit dhe ai kishte thënë kalojeni ligjin se nuk kemi ku i cojmë mbetjet, ti sjellim në Sarandë, kjo është çështja?, përfundoi Blushi. /Citynews





Lajmet e fundit nga