web counter
LEXO PA REKLAMA!

SHKARKO APP

Sekuestrohen 58 kg kanabis në Vlorë/ Në kërkim poseduesi

24 Nëntor 2016, 08:40, Aktualitet CNA

Policia e Vlorës ka sekuestruar 58 kg lëndë narkotike, e llojit kanabis sativa. Lënda narkotike u gjet në një makinë në aksin rrugor Orikum-Vlorë.

Në bazë të informacioneve të marra në rrugë operative, Policia e Vlorës ka konstatuar natën e mbrëmshme një automjet i cili po lëvizte në aksin rrugor Orikum-Vlorë, ku dyshohej se transportonte lëndë narkotike.

Menjëherë gjatë ndjekjes, Policia i ka dhënë shenjë për të ndaluar mjetit tip “Mitsubishi-Pajero” me targë AA 281 MZ, por automjeti ka shtuar shpejtësinë në drejtim të Vlorës dhe rreth 50 m afër kryqëzimit për në fshatin Radhimë, është gjetur i braktisur ndërsa autori ka mundur të largohet duke përfituar nga errësira.

Nga kontrolli i ushtruar brenda në automjet, seksioni për hetimin e narkotikëve ka gjetur një sasi me lëndë narkotike me peshë totale prej 58 kg (kilogram) lëndë narkotike të llojit Cannabis Sattiva.

Lënda narkotike ishte e ndarë në 3 pako, mbështjellë me qese celefoni ngjyrë kafe, e cila u sekuestrua në cilësinë e provës materiale.

Nga hetimet e kryera, ka rezultuar se në këtë vepër penale dyshohet se është i implikuar shtetasi Z.M., 33 vjeç, banues në fshatin Tragjas, Vlorë.

Policia po punon për arrestimin e tij. /Citynews





Lajmet e fundit nga