E fundit!

10:36 Sociale

Braktisja e fshatrave/ Kriza ekonomike nxit largimet masive

Fshatrat po përballen me një nga krizat më të rënda demogr...

Përfaqësuesit e diasporës/ Samiti do shërbejë si urë jo vetëm me qeverinë shqiptare

23 Nëntor 2016, 22:05, Aktualitet CNA

Në ?Tonight Ilva Tare? janë të ftuar sonte disa përfaqësues të diasporës shqiptare në vende të ndryshme të botës, të cilët theksuan se samiti i diasporës i zhvilluar së fundi në Tiranë është tejet i rëndësishëm.

Shqiptaro-amerikani Nik Markolaj, drejtori menaxhimi në Nju Jork të Shteteve të Bashkuara tha se shpresonte që samiti i parë i diasporës të shërbente në mënyrë afatgjatë për vendin

Markolaj: Samiti i parë i diasporës shqiptare është një event historik. Kemi ardhur të gjithë ta përkrahim këtë event dhe shpresojmë që të jetë fillimi i një bashkëpunimi të rëndësishëm dhe afatgjatë. Fatkeqësisht numri i shqiptarëve është më i madh se jashtë kufijve të shtetit amë se sa brenda shtetit.

Për çdo vit numri i shqiptarëve që largohen nga vendi është duke u rritur. Ne shpresojmë që të japim kontributin tonë që të rritet ekonomia dhe t?i shërbejë kësaj popullate që mendon të largohet, të rrijë në vend.

Sonila Alushi, banuese prej 18 vitesh në Itali, thekson se samiti i diasporës është vetëm urë komunikimi me qeverinë shqiptare, por edhe midis diasporës.

Alushi: Ky samit nuk është shumë i rëndësishëm jo vetëm për urën që krijojmë me qeverinë shqiptare por edhe urën me njëri-tjetrin pasi në këtë mënyrë patëm mundësi të njihemi. Ky samit nuk është shumë i rëndësishëm jo vetëm për urën që krijojmë me qeverinë shqiptare por edhe urën me njëri-tjetrin pasi në këtë mënyrë patëm mundësi të njihemi.

Për mua ka shumë rëndësi promovimi, sepse shpesh ndeshem me informacion të gabuar dhe dashakeq në Itali. Jo të mbulojmë realitetin, por nga ana tjetër të mos shikohet Shqipëria si një vend i pasigurt.

Nancy Veliu, shqiptaro-amerikane, tha se diaspora duhet të jepte diçka mbrapsht.

Veliu: Kjo është një hapje e parë. Ne do të ecim përpara dhe nuk do të kthehemi pas. Për mua është shumë pozitive.

Shkolla e parë shqipe në Nju Jork

Shqiptaro-amerikani Markolaj tha se në Nju Jork janë hapur shkollat e para në gjuhën shqiptare të financuara nga shteti i Nju Jorkut.

Markolaj: Në shtetin e Nju Jorkut ku unë operoj kemi filluar për herë të parë që të ofrohet edukimi në gjuhën shqipe. Shkollat publike të shtetit të Nju Jorkut, të financuar nga shteti i Nju Jorkut. Kemi asambleistin e parë në shtetin e Nju Jorkut.

Shqiptaro-amerikani tjetër Mark Kosmo, familja e të cilit ka shkuar më shumë se një shekull më parë në SHBA, tha se tani është më e lehtë të komunikohet. Ai tha se në zonën e Masaçuset (Massachusetts) ku edhe jeton, janë rreth 70 mijë shqiptarë.