E fundit!

10:36 Sociale

Braktisja e fshatrave/ Kriza ekonomike nxit largimet masive

Fshatrat po përballen me një nga krizat më të rënda demogr...

Fiks -Fare / Kurqelaj, fëmijët 4 km rrugë në këmbë për të shkuar në shkollë

23 Nëntor 2016, 19:17, Aktualitet CNA

Bashkia Klos: Nuk kemi fonde për rrugën

Rreth 15 fëmijë udhëtojnë çdo ditë në këmbë më shumë se tre orë për të ndjekur shkollën në fshatin më të afërt që ndodhet 4 km larg Kurqelajt. Mes të ftohtit dhe lagështisë ata sakrifikojnë çdo ditë shëndetin e tyre për t?u arsimuar. Bashkia Klos nuk ka vënë në dispozicion asnjë mjet transporti. Në bazë të ligjit ajo paguan për një fëmijë 7-të mijë lekë të vjetra në muaj. Kjo shumë sipas prindërve është e pamjaftueshme pasi asnjë drejtues automjeti nuk e merr përsipër me këtë kosto transportin e fëmijëve.

Fshati Kurqelaj jetojnë rreth 150 banorë, ku 15 fëmijë frekuentojnë shkollën 9-vjeçare të një fshati tjetër ngjitur, 4 km larg. Prindërit shpjegojnë para kamerave vështirësitë që hasin ata dhe fëmijët e tyre çdo ditë.njëri nga prindërit tregon se duhet ta shoqerojë vetë çdo ditë fëmijën e tij 6 vjeç për në shkollë. një tjetër pohon se djali I tij , nxënës i klasës së shtatë ka kaluar një ftohje te rëndë, për shkak të rrugës që bëjnë çdo ditë në këmbë. Fiksi udhëtoi sëbashku me fëmijët duke ndjekur hap pas hapi itinerarin e vuajtjeve të tyre të përditshme. Gazatarët në ora 7:45 nisen me fëmijët drejt shkollës, duke kaluar në një rrugë të shëmbur që makinat nuk kalojnë. Sëbashku me gazetarët dhe fëmijët rrugës u bashkangjitet edhe një prind që shoqëron fëmijën e vetë. I pyetur nga gazetarët se pse fëmijët pjesën e rrugës që është më e mirë ta kryejnë më një mjet trasporti, ai përgjigjet se për 7 mijë lekë të vjetra që u jep bashkia në muaj, nuk ofrohet asnje makinë pasi rruga është shumë e keqe. Pas nujë ore rrugë fëmijët ndaluan në një vend, që e kishin kthyer si pushimin e tyre të rrugëz në vajtje dhe në kthim. Ulen të shplodhen dhe pastaj hapin çantat e tyre të bukës. Të pyetur nga gazetarja nëse ishin lodhur , të gjithë njëzëri përgjigjen po. Edhe bukën që kishin me vete e ndani në dy pjesë njësoj si rrugën që përshkruanin në këmbë. Gjysmën në mëngjes dhe tjetren pas mbarimit të shkollës, në kthim. Pas 1 orë e 30 minuta, nga larg duket shkolla. Fëmijët ndalen në një pellg uji dhe lajnë këpucët e baltosura nga balta dhe lluci i rrugës. Më në fund në ora 8:30 mbërrijnë në shkollën ” Ibrahim Tema” për të zhvilluar orët mësimore. Në këndin e shkollës, dy prej fëmijëve me të cilët udhëtuan gazetarët e Fiksit, ishin në tabelën e nxënësve të dalluar të shkollës.

Në intervistë u morë drejtori i shkollës për ta kuptuar më mirë situatën. Drejtori z. Azbi Burreli u shpreh se edhe pse i ka bërë kërkesë Bashkisë Klos për të siguruar plotësisht transportin, kjo e fundit në bazë të ligjit nuk mund të rrisë fondin për t?i dhënë zgjidhje përfundimtare problemit. Madje drejtori i cilësoi ?heronj? prindërit dhe fëmijët e fshatit.

Veç kësaj problematike që rrezikon të ardhmen e fëmijëve, banorët e fshatit Kurqelaj prej vitesh vuajnë mungesën e ujit të pijshëm, shërbimit shëndetësor dhe infrastrukturës rrugore.

Në Njësinë Administrative Suç, përgjigja që u dha në lidhje me këtë problem nga administrator Ilirjan Çeliku është se, kjo e fundit nuk ka gjetur mbështetje as nga Prefektura dhe as nga Bashkia Klos . “Nuk kemi mbështetjen e emergjencave që varen nga Prefektura. Bashkia ka vetem dy mjete për hapjen e rrugëve dhe e ka të pamundur ta përballojë situatën”- thotë z.Çeliku.

Ju drejtuam Bashkisë së Klosit, nënkryetari Basir Çupa u shpreh për “Fiks Fare” se edhe pse buxheti është i pakët problemi i ujit do të marri zgjidhje vitin që vjen. Përsa i përket rrugës ai bëri me dije se segmenti ka lëvizje të shpeshta tektonike dhe rruga aktuale është bërë e pa studiuar dhe që duhet ribërë.