web counter
LEXO PA REKLAMA!

SHKARKO APP

App Store
Google Play

E fundit!

x

Blushi denoncon koncensionin e laboratorëve/ Ahmetaj: Shqiptarët do të përfitojnë më shumë

24 Nëntor 2016, 11:39, Aktualitet CNA

Gjatë fjalës së tij në Parlament deputeti i LIBRA-s Ben Blushi, përveç Ligjit të Mbetjeve, u ndal edhe tek projekti tjetër i qeverisë për dhënien me koncesion të laboratoreve.

Ai tha se fatura në buxhet për koncesionet shkon në 8 milionë euro në vitin 2017, ndërsa për universitetet janë vetëm 6 miliardë lekë.

?Po përgatiten të jepen me koncesion laboratorët. E di sa është fatura? 8 milionë euro në vit. A mund të jepen të gjithë laboratorët publikë me koncesion? Për çfarë? Ju që e keni kaluar në parim, se unë nuk do ta votoj. A e dini sa është fatura e koncesioneve për vitin 2017? 7.2 miliardë lekë të reja. E dini sa është fatura për universitetet publike që paguajmë nga xhepi? 6 miliardë. Pra, 7 miliardë për koncesionet që nga check up-deri tek laboratoret dhe 6 miliardë për universitetet e gjithë Shqipërisë. Pa dalë për absurditetet e tjera të buxhetit?, tha Blushi.

Ministri i Financave Arben Ahmetaj reagoi menjëherë pas fjalës së deputetit Ben Blushi duke theksuar se dhënia e laboratëve me koncension është në përfitim të qytetarëve.

Kjo për faktin se investimin do ta kryejë privati, qytetarët do të përfitojnë më shumë shërbim dhe pas 10 vjetësh gjithçka do ti mbesë shtetit. E gjithë kjo me të njëjtën kosto që shteti paguan sot për shërbimet ndaj qytetarëve. /Citynews

 

 

 





Lajmet e fundit nga