web counter
LEXO PA REKLAMA!

SHKARKO APP

App Store
Google Play

Obama nis "Turin e Lamtumirës"/ Ndalesa e parë në Athinë

15 Nëntor 2016, 08:50, Aktualitet CNA

Barack Obama nis turin e fundit si President i SHBA-ve. Një nga qëllimet kryesore të kësaj vizite është që Obama të sigurojë aleatët, në mënyrë që edhe presidenti i sapozgjedhur Donald Trump të ruajë të njëjtën linjë strategjike marrëdhëniesh me të gjithë vendet, duke përfshire edhe NATO-n.

Obama viziton Greqinë, më pas Gjermaninë dhe ne fund Perunë. Ai do të takohet me zyrtarë të lartë përfaqësues të këtyre vendeve, përfshirë edhe kancelaren Angela Merkel.

Ndërkohë në Greqi, për sigurinë e kreut të Shtëpisë së Bardhë janë angazhuar 5 mijë forca policie dhe 5 mijë agjentë sekretë.

Presidenti ende në fuqi i SHBA-ve, ka deklaruar më herët se nuk ka vend për shqetësime dhe as për frikë pas fitores së republikanëve.

Shumë zyrtarë europianë kanë dalë me deklarata përfshirë Presidentin e Komisionit Europian, Jean Claude Juncker dhe shefin e NATO-s, Stoltenberg, të cilët janë shprehur se përzgjedhja e Trump kërcënon marrëdhëniet e Brukselit dhe aleatëve me Uashingtonin.

Gjatë fushatës miliarderi ka deklaruar se Shtetet e Bashkuara nuk  mund të jenë financuesi i vetëm i Aleancës së Atlantikut të Veriut, pasi nëse kërkohet një botë e sigurt të gjithë duhet të kontribuojnë sipas tij.

/Citynews





Lajmet e fundit nga