web counter
LEXO PA REKLAMA!

SHKARKO APP

App Store
Google Play

E fundit!

x

(FOTOT) Skandali/ Shoferët e Urgjencës paguhen pa punuar, ambulancat pa kolaudim

14 Nëntor 2016, 19:49, Aktualitet CNA

Nuk është hera e parë që shëndetësia përfshihet nga skandale të mëdha, siç ishe rasti i Check-up, i cili rezultoi një dështim i madh ku dyshohet për afera korruptive.

Citynews sjell një tjetër skandal që prek sistemin e shëndetësisë. Bëhet fjalë për Urgjencën Mjekësore në Tiranë në rrugën “Gjin Bue Shpata”

Sipas denoncimit të ardhur në citynews, në Urgjencën Mjekësore në Tiranë, ku rezultojnë 9 ambulanca, por vetëm 3 prej tyre mund të kryejnë shërbime, është shtuar një numër i konsiderueshëm shoferësh, krejtësisht të panevojshëm. Sipas denoncimit, në Urgjencën Mjekësore të Tiranës janë të punësuar 12 shoferë.

Rreth një muaji më parë, në këtë sektor janë shtuar 10 shoferë, të cilët nuk dihen nëse janë regjistruar si shoferë profesional për ambulanca, pasi kërkohen specifika të veçanta.

Shtimi i shoferëve në mënyrë të panevojshme hedh dyshime të forta për mënyrën se si ata paguhen sepse në rishikimin e buxhetit të këtij viti nuk ka pasur ndryshime.

Sipas denoncuesit, shoferët e rinj janë të jashtëligjshëm pasi nuk kryejnë punën e tyre dhe paguhen njësoj si ata.

Siç tregojnë edhe grafikat e mëposhtme, në çdo turn rezultojnë të punojnë 5 shoferë, por në fakt, sipas denoncimit, të pranishëm janë vetëm 3 për çdo turn.

Skandali vijon edhe më tej. Ambulancat që operojnë në Shërbimin e Urgjencës së Tiranës janë të pa koaliduara dhe pa asnjë siguri për jetët e personelit dhe të pacientëve. Disa prej tyre janë lënë në mëshirë të fatit dhe janë drejt vetëshkatërrimit./citynews





Lajmet e fundit nga