web counter
LEXO PA REKLAMA!

SHKARKO APP

App Store
Google Play

Destabilitet në Qeveri/Do të tentohet largimi i Ramës

14 Nëntor 2016, 14:40, Aktualitet CNA

Situata politike në Shqipëri po i kthehet lëvizjeve të muajit Korrik të këtij viti, lëvizje të shpejta dhe të forta që erdhën si tentativë për të rrëzuar Kryeministrin e vendit Edi Ram,a dhe për të tentuar ngritjen e një qeverie me bazë të gjerë nga shumica e faktorëve parlamentarë, përjashto Partinë Socialiste zyrtare. Citynews ka mësuar se ditët e fundit brenda parlamentit dhe mazhorancës kanë filluar lëvizje destabilizuese të cilat janë pothuajse të njëjta me ato të muajit korrik dhe qershor të këtij viti, ku shpesh faktorë të ndryshëm negocionin dhe bën një llogari me numrat e deputetëve për të rrëzuar Kryeministrin Edi Rama. Ata janë srish sot duke tentuar të ndërtojnë një aleancë të re parlamentare nëpërmjet faktorëve që janë kundër Kryeministrit të vendit.

Zoti Rama dhe PS sot kanë më pak se 60 deputetë, po të bashkojmë edhe çamet e PDIU-së ai nuk shkon më shumë se 65 mandate. Lëvizjet e reja brenda Parlamentit ku përfshihen eksponentë thelbësorë të së majtës, mazhorancës por edhe PS-së, janë duke rikthyer në tregun politik negociatat për rrëzimin e Kryeministrit Rama dhe emërimin e një Kryeministri të ri, duke luajtur ashtu si në rastin e mëparshëm me mocion besimi dhe mosbesimi, duke i vënë përballë një kandidature alternative për kryeministër.

Megjithëse Rama duket me numra të pamjaftueshëm në Parlament, këto lëvizje destabilizuese brenda mazhorancës ai i kaloi disa muaj më parë, duke siguruar besnikërinë e çameve të PDIU-së si dhe një pjesë e deputetëve të LSI-së, apo brenda mazhorancës të cilët edhe pse Ilir Meta po e tradhtonte, e garantuan se ishin besnikë. Të tillë emra mund të kishte edhe tek opozita, të cilët janë përfolur shpesh si njerëz të lidhur me interesa me Kryeministrin e vendit./ Citynews





Lajmet e fundit nga