web counter
LEXO PA REKLAMA!

SHKARKO APP

App Store
Google Play

E fundit!

x

Gara për Kolonjën/Kandidati Dritan Hajro: Jam në garë me veten, duhet vetëm të fitojmë bindshëm

14 Nëntor 2016, 10:48, Aktualitet CNA

Kandidati i Partisë Agrare dhe koalicionit opozitar për Kolonjën Dritan Hajro, vëllai i ish-deputetit socialist të Kolonjës, Sokol Hajro ka folur ekskluzivisht për Citynews. Në intervistë Dritan Hajro i ka bërë thirrje kolonjarëve që të mos lejojnë Kryeministrin Rama që të sundojë Kolonjën. Ndërsa i pyetur se si e komenton ai rivalin e tij, Hajro ka theksuar fort se ai është në garë vetëm me veten e tij dhe ajo çka i duhet është të fitojë bindshëm.

Fushata drejt mbylljes, çfarë nuk ju keni thënë ende kolonjarëve?

Me kolonjarët kam diskutuar dhe ndarë pothuajse gjithçka, çdo problematikë të së përditshmes dhe kam marrë çdo mendim, opinion dhe sugjerim të tyre mbi format sesi duhet të punojmë dhe qeverisim nesër, si dhe prioritetet dhe objektivat e Projektit tonë Strategjik të Zhvillimit të Bashkisë Kolonjë.

Nuk u kam thënë ende me fuqinë e duhur kolonjarëve se, nuk duhet t’i lënë asnjë hapësirë zv. kryeministrit për të sunduar Kolonjën, ndaj po shfrytëzoj këtë intervistë për t’u bërë thirrje kolonjarëve të ndalin dëshirat dhe urinë e zv. kryeministrit për të vënë dorë edhe mbi Kolonjën. Kolonja u përket kolonjarëve dhe askujt tjetër dhe Kolonja do të zgjedhë birin e tij që nuk është vegël e Qeverisë dhe Peleshit.

Dua t’u them kolonjarëve gjithashtu që të mos jepen para presionit që po u ushtron pushteti dhe kryesisht u drejtohem votuesve që janë punonjës të administratës publike, mbi të cilët po përdoren të 258022_mgjitha format për t’u dhunuar lirinë e zgjedhjes, të mos dorëzohen para qeveritarëve koha e të cilëve mbaroi. Forca e popullit është sigurisht më e madhe se forca e pushtetit të përkohshëm të partive politike, për këtë sot më shumë se kurrë kolonjarët duhet të jenë koshientë.

Pse ju në krye të Bashkisë?

Mua më kanë përzgjedhur dhe sugjeruar një grup intelektualësh, njerëzish punëtorë nga Kolonja, të cilët janë sot përkrahësit dhe konsulentët e mi, duke marrë përsipër përgjegjësinë e drejtimit dhe administrimit të Bashkisë së re të Kolonjës.

Aftësitë e mia menaxheriale i njohin të gjithë, siç të gjithë dinë dhe njohin faktin që unë nuk jam vegël dhe instrument i askujt, unë nuk jam nën “sqetullën” e asnjë qeveritari, që vjen në Kolonjë për ta “mjelë” atë mes marrjes së Pushtetit Vendor.

Dua t’i mëshoj faktit që unë nuk do ta menaxhoj Bashkinë i vetëm, por në formë kolegjiale me personelin e Bashkisë dhe bashkëpunëtorët / konsulentët e jashtëm të saj, për të arritur implementimin me suskes të Projektit Strategjik të Zhvillimit, brenda mandatit të mbetur.

Si e komentoni rivalin tuaj?

Unë nuk kam rival, unë kam përballë një vasal të zv.kryeministrit. Unë garoj me Peleshin, ndaj e kam të sigurt fitoren, sepse kolonjarët do të votojnë birin e tyre dhe jo qytetarin e bashkisë fqinje.

Kandidati i Rilindjes, dikur këshilltar i PD, nuk është në garë, atë e kanë vendosur me imponim në pistën apo korsinë e maratonës elektroale. Kandidati i Rilindjes është thjesht në pritje të mbërritjes time në finishin e fitores.

Cili është mesazhi në rast se do të humbisni?

Fitorja e kolonjarëve është e sigurt.

Nuk ka mesazh humbjeje mes kolonjarësh të vendosur për ndryshim. Siç u thashë, jam në garë me veten, duhet vetëm të fitojmë bindshëm, përpara Rilindjes së ?zero investimeve? në këto 3 vjet e disa muaj qeverisje.

Më 21 nëntor 2016 nënshkruajmë kontratën e progresit social-ekonomik, kontratën e kthesës përfundimtare për Kolonjën dhe kolonjarët.





Lajmet e fundit nga