web counter
LEXO PA REKLAMA!

SHKARKO APP

App Store
Google Play

E fundit!

x

Takim me ministrat e jashtëm të BE-së/ Rama: Vettingu, nevojë imediate për procesin e integrimit

14 Nëntor 2016, 09:13, Aktualitet CNA

Është zhvilluar në Bruksel një mëngjes pune mes vendeve anëtare të Unionit, i iniciuar nga grupi Miqtë e Shqipërisë në Këshillin e BE-së, ku është folur me tone të mira për Progres Raportin e Shqipërisë.

Kështu pretendon kryeministri Edi Rama në një postim të tijin në rrjetet sociale.

Ja postimi i plotë i Ramës:

“Sapo përfundoi në Bruksel mëngjesi i punës me vëndet anëtare, iniciuar nga grupi i Miqve të Shqipërisë në Këshillin e BE-së, ku u fol me tonet më pozitive për Raportin e Progresit dhe u konfirmua vullneti i vendeve anëtare për mbështetjen e rekomandimit pozitiv të Komisionit për çeljen e negociatave per anëtarësimin e Shqipërisë në Bashkimin Europian

U nënvizua nga të gjitha vendet anëtare progresi i madh që pasqyrohet në Raportin e Komisionit; ecuria mbresëlënëse e reformave; respekti i veçantë për politikën rajonale të Shqipërisë; nevoja imediate për zbatimin e Ligjit të Vetingut si premisë e mirëkuptuar apo kusht i natyrshëm për ecurinë e këtij procesi historik.

Falenderim i veçantë për Shefen e Diplomacisë Europiane Federica Mogherini dhe për Komisionerin Johannes Hahn, dy miq të posaçëm e partnerë të çmuar të Shqipërisë në këtë proces”.

Pak ditë më parë BE i hapi dritën jeshile hapjes së negociatave për anëtarësim të Shqipërisë, por me kusht. Një prej kushteve kryesore është edhe aplikimi i Reformës në Drejtësi dhe Ligji i Vettingut. /Citynews





Lajmet e fundit nga