web counter
LEXO PA REKLAMA!

SHKARKO APP

App Store
Google Play

E fundit!

x

Trump bën emërimet e para në kabinet/ Dy të përzgjedhurit e presidentit

14 Nëntor 2016, 07:40, Aktualitet CNA

Presidenti i zgjedhur i Shteteve të Bashkuara, Donald Trump, ka bërë dy emërime kyçe në kabinetin e tij.

Reince Priebus, kryetar i Komitetit Kombëtar Republikan, do të jetë shef i stafit. Në këtë rol, ai do të vendosë për përbërjen e re të Shtëpisë së Bardhë dhe do të shërbejë si kanal midis Kongresit dhe Qeverisë.

Stephen Bannon, nga Rrjeti i Lajmeve Breitbart, do të shërbejë si kryestrateg i Trumpit.

Bannon ishte larguar përkohësisht nga posti i shefit ekzekutiv të Breitbart për të shërbyer si shef i fushatës së Trumpit.

?Steve dhe Reince janë liderë të kualifikuar, që kanë punuar mirë në fushatën tonë dhe na kanë udhëhequr drejt fitores historike. Tani do t?i kem të dy në Shtëpinë e Bardhë, për ta bërë Amerikën të madhe përsëri?, ka thënë përmes një deklarate Trump.

Trump, kandidat i Partisë Republikane, mundi rivalen demokrate Hillary Clinton në zgjedhjet e 8 nëntorit. Ai do të marrë udhëheqjen e Shtëpisë së Bardhë më 20 janar, kur edhe presidenti i deritashëm, Barack Obama, përfundon mandatin e dytë.

Donald Trump ka thënë se do të heqë dorë nga paga e presidentit prej 400,000 dollarësh në vit dhe në vend të kësaj shume do të marrë vetëm një dollar. /Citynews

 

 

 

 

 

 

 





Lajmet e fundit nga