E fundit!

08:27 Aktualitet

Helmohen sërish nga ushqimi dhjetëra kursantë të Akademisë së Sigurisë

Helmohen sërish kursantët e Akademisë së Sigurisë në Sauk....

Skandali/Basha tjetër emërim anti-statutor

14 Nëntor 2016, 11:30, Aktualitet CNA

Kreu i Partisë Demokratike Lulzim Basha vazhdon të tregojë se është simboli i shkeljes së statutit dhe moszbatimit të rregullave të miratuara nga strukturat dhe forumet e PD-së. Pa pasur asnjë kompetence statutore dhe në shkelje të hapur të tij Basha ka emëruar një tjetër sekretar në krye të PD-së. Në daljen e tij të parë publike me post në PD, Besart Kadia, Kreu i Fondacionit për Liri Ekonomike të Henri Çilit sot në një intervistë të gjatë për Panoramën, shpallet Sekretar për Sipërmarrjen e lirë në PD.

Kadia është një nga personazhet e Henri Çilit, i cili kërkon fitoren e Ramës për një mandat të dytë dhe i bashkohet Bashës tashmë me rol sekretariati, ashtu si rrogëtarët e tjerë të Çilit si: Grida Duma, Ervin Kadia-cili Salianji etj.

Në fakt janë me dhjetra e dhjetra funksionarë të Lulzim Bashës që paguhen, lobojnë dhe janë bashkëpunëtorë të ngushtë të njeriut që sot këshillon por edhe propagandon ?sukseset e Qeverisë Rama?. Përtej faktit se Basha dhe PD po rrethohen nga një sekt i paguar dhe servirur nga Çili, në këtë rast në mënyrë të përsëritur, arrogante dhe abuzive, Basha ?shkel me të dyja këmbët? statutin e PD-së.

Në bazë të statutit të kësaj partie, kompetencën të zgjedhjes së sekretarëve dhe kryetarëve të departamenteve e ka Këshilli Kombëtar i kësaj partia, i cili sipas nenit 37 të Statutit të PD-së, pika 2/b thotë qartë se Këshilli Kombëtar zgjedh/shkarkon me votim të fshehtë sekretariatin dhe krerët e departamenteve.

Basha mesa duket statutin e PD-së e ka bërë ?leckë për të fshirë këpucët? sepse Besart Kadia është sekretari i dytë i emëruar në mënyrë anti-statutore. Kreu i PD nuk ka kompetence të emërojë sekretarë, por vetëm zëdhënësit dhe sekretarët e marrëdhënieve ndërkombëtare, sipas nenit 38 pika 1.

Në mënyrë anti-statutore dhe në shkelje dhe tejkalim të kompetencave të tij Basha ka emëruar dy sekretarë, një për aksionin qytetar dhe një për lirinë ekonomike, të cilët në fakt duhet të zgjidheshin nga Këshilli Kombëtar për të qenë më pas edhe anëtarë kryesie. Tani Kryesia e PD-së ka një ?tufë? me sekretarë dhe kryetarë departamentesh të emëruar dhe jo të zgjedhur me garë sipas statutit. Mund të përmendim këtu emërimin e Enkeled Alibeajt tek Departamenti i Sigurisë, Ardian Turkut tek Pushteti Vendor, Jemen Gjana tek Kontributet Historike, Salianji për Aksionin Qytetar dhe së fundi Besart Kadia tek Sipërmarrja e Lirë. Citynews