web counter
LEXO PA REKLAMA!

SHKARKO APP

App Store
Google Play

E fundit!

x

FOTO-FAKT/Basha nën thundrën e sektit të Çilit

14 Nëntor 2016, 12:32, Aktualitet CNA

Tre sekretariatet kryesore të Partisë Demokratike tashmë janë të ?pushtuara? nga Henri Çili. Ky i fundit është ai që gjithmonë thotë që Rama duhet që të fitojë zgjedhjet e 2017-ës, ndërsa nga ana tjetër ai dërgon rrogëtarët e tij pranë Bashës. Më herët Çili ka ?dërguar? në PD Grida Dumën, sekretare të Marrëdhënieve me Publikun. Tashmë është i ditur afrimiteti i Dumës me Administratorin e UET-së, madje edhe aferat mes të dyve.

Më pas, është Salianji ai që pa asnjë eksperiencë politike emërohet sekretar i Aksionit Qytetar në PD. Edhe ky i fundit ashtu sikurse Duma e të tjerë, është i paguar dhe i lidhur me biznese me Henri Çilin, i cili siç e përmendëm më sipër propagandon për fitoren e Ramës.

Ndryshe nga Duma e cila është zgjedhur, Salianji është emëruar nga vetë Basha si sekretar i Aksionit Qytetar i Partisë Dmokratike. Në fakt kjo kompetencë nuk i takon Kreut të PD-së por Keshillit Kombëtar. Është ky i fundit i cili zgjedh/shkarkon me votim të fshehtë sekretariatin dhe krerët e departamenteve, duke ju referuar nenit 37 të Statutit të PD-së, pika 2/b.

Ndërsa personi i tretë i dërguar nga Çili në PD, është Besart Kadia, drejtori ekzekutiv i Fondacionit Për Liri Ekonomike, i cili është emëruar nga Basha sekretar i Sipërmarrjes së Lirë në Partinë Demokratike.

Siç edhe duket qartë tre sekretariatet kryesorë të Partisë Demokratike tashmë janë në dorë të Çilit., Aksioni qytetar, Ekonomia dhe departamenti i Marrëdhënieve me Publikun.

Ideologu kryesor i së majtës po dërgon njerëzit e tij tek PD. Rrogëtarët e Çilit po marrin drejtimin e Partisë Demokratike dhe janë kaq ?të neveritshëm? sa i servilosen Bashës duke thënë se kanë prishur marrëdhëniet e tyre me Çilin dhe nuk kanë as moralin dhe as burrërinë për të thënë të vërtetën. /Citynews





Lajmet e fundit nga