E fundit!

14:43 Politikë

Reforma Territoriale/ PD kërkon shtyrjen e afatit të komisionit

Komisioni i Posaçëm për Reformën Administrativo-Territoria...

Post-zgjedhjet në SHBA/ Soros dhe "banda" e tij mblidhen për "të rrëzuar" Donald Trump

14 Nëntor 2016, 13:30, Aktualitet CNA

George Soros dhe miliarderë të tjerë liberalë, që dhanë dhjetëra miliona dollarë në përpjekje për të ndihmuar demokratet Hillary Clinton të zgjidhej presidente e SHBA-ve, janë mbledhur në Washington për një takim 3-ditor me dyer të mbyllura për diskutuar mbi ripërdorimin e shumave të mëdha të parave për të luftuar presidentine zgjedhur amerikan Donald Trump.

Konferenca, e cila nisi të dielën në mbrëmje në hotelin luksoz ?Mandarin Oriental?, është sponsorizuar nga klubi i donatorëve ?Aleanca Demokratike? dhe që do të ketë si pjesëmarrës dhe folës drejtuesit e sindikatave më kryesore dhe grupeve liberale, si lideren demokrate të Dhomës së Përfaqësuesve, Nancy Pelosi, senatoren Elizabeth Warren dhe bashkëkryetarin e Progresistëve të Kongresit Keith Ellison, shkruan ?Politico?.

Gjatë vitit 2016, vetë Soros ka dhënë 25 milionë dollarë donacione për fushatën e Hillary Clitnon si dhe për kauza të tjera të Partisë Demokratike të SHBA-ve. Gjatë primareve presidenciale, miliarderi amerikan ishte shprehur se, Donald Trump dhe republikani tjetër Ted Cruz ?ishin duke bërë punën e ISIS?.

Grupimi Aleanca Demokracia u themelua pas zgjedhjeve të vitit 2004 nga Soros, i ndjeri manjati i siguracioneve Peter Lewis, dhe një pjesë e vogël e demokratëve mega-donatorë të cilët së bashku shpenzuan dhjetëra miliona për të mbështetur atëherë kandidatin e pasuksesshëm, John Kerry kundër presidentit të atëhershëm George W. Bush.

Grupimi kërkon që anëtarët e tij, një grup që tani përbëhet nga rreth 100 vetë, ndër të cilët George Soros, Tom Steyer dhe Donald Sussman, si dhe sindikatat kryesore dhe fondacione liberale, të kontribuojë një total prej të paktën 200,000 dollarë në vit për grupet e rekomanduara, think-tank apo shoqata që mbrojnë interesat e liberalëve kundër republikanëve.

Që nga krijimi në 2005, AD ka shpenzuar 500 milionë dollarë për një sërë grupesh, duke përfshirë grupin e monitorimit të medias Media Matters, grupin e advokimit të politikave Qendra për Progresin Amerikan dhe firmën e të dhënave Catalist, të gjitha të drejtuara nga aleatët e Clinton të cilët pritet të dërgojnë përfaqësues në mbledhjen tre-ditore. /Citynews