web counter
LEXO PA REKLAMA!

SHKARKO APP

App Store
Google Play

E fundit!

x

OSHEE nuk ndalet/ Dy tendera me 99.99% dhe ofertues të vetëm

14 Nëntor 2016, 18:20, Aktualitet CNA

Operatori i Shpërndarjes, OSHEE, mban rekord në dhënien e tenderave me 99.99% të vlerës dhe ofertues të vetëm. Ajo është akuzuar shpesh si institucioni ku këto raste ndodhin sepse ka korrupsion në zhvillimin e këtyre tenderave dhe shpesh opozita dhe mediat kanë shkruar se në këto tendera jepen përqindje për drejtuesit e institucioneve. Opozita ka qenë e ashpër me kreun e OSHEE dhe më e drejtpërdrejtë, por edhe shumë media kanë folur jo pak për skandalet  e këtij institucioni që zhvillon tendera me miliarda lekë dhe fal apo rikthen tek xhepat e qytetarëve vetëm disa qindarka.

Së fundmi, OSHEE Shkodër ka shpallur fituese një kompani, e cila në të dy ofertat e saj ka është kujdesur që ti afrohet sa më shumë fondit limit të parashikuar.

Sic shihet edhe nga dokumentat e mëposhtme, të publikuara nga APP, të siguruara nga cityneës, në tenderin e parë, ku kërkohet ndërtimi i kabinës shtyllore në Koplik, kompania private ka paraqitur ofertën e saj me vlerë 5,507,698 lekë, ndërkohë që fondi limit i përcaktuar nga OSHEE ishte 5,561,639 lekë. Pra, nga ky tender OSHEE ka arritur të kursejë dhe të rikthejë në xhepat e qytetarëve një rrogë mësuesi.

Edhe në tenderin e dytë, ku kërkohet rikonstruksioni i rrjeti TU me kabëll ABC në Koplik, të cilën OSHEE ka shpallur fituese të njëjtën kompani, rezulton se fondi limit ka qenë 8,445,500 dhe është fituar nga oferta e vetme me vlerë 8,401,222. Edhe në këtë rast, OSHEE ka arritur të kursejë dy pensione për qytetarët./citynews

Më poshtë, dokumentat e prokurimit publik.

 





Lajmet e fundit nga