EKSKLUZIVE/Basha urdhëroi delegacionin të votonte kundër çeljes së negociatave

15 Nëntor 2016, 09:54, Aktualitet CNA

Skandali i ndodhur javën e shkuar me çeljen e negociatave për dhënien e statusit për Shqipërinë ishte një ngjarje që kaloi jo pa zhurmë. Kujtojmë se kjo ngjarje ndodhi konkretisht të mërkurën e shkuar. Socialistët shpërndanë videon e debatit që Aldo Bumçi zhvillonte në sallë me ish-ministren e Integrimit, Majlinda Bregu.

Debati i tyre konsistonte në qëndrimet që duhet të kishte opozita, dhe rekomandimit që Komisioni Europian do t?i jepte Shqipërisë për çeljen e negociatave. Aldo Bumçi kërkonte që në raport të vendoseshin frazat shqetësuese si droga, krimi dhe zgjedhjet. Por në fakt, Komisioni duket se kishte vendosur gjithçka, beteja e Bumçit ishte një luftë me ?mullinjtë e erës?. Por ai ishte i detyruar dhe urdhëruar nga Kreu i PD-së Lulzim Basha, i cili përpara se delegacioni të nisej ka zhvilluar takime me Bumçin dhe Pollon në lidhje me qëndrimet që do të mbanin deputetët e PD-së në takim.

Ashtu siç ishte orientuar, Bumçi mbajti qëndrimin e tij pa e ditur se tashmë ishte vendosur që Shqipërisë do t?i jepej rekomandim për çeljen e negociatave.

Gjatë debatit në sallë, Bregu i kërkonte Bumçit që të jetë në koherencë dhe të mbështesë raportin, sepse tashmë ai është final. Siç duket edhe në video Bumçi është tejet nervoz dhe jashtë natyrës së tij, kjo pasi ai e sheh veten të pafuqishëm për të penguar apo ndryshuar rekomandimin e Komisionit Europian.

Megjithëse mban qëndrimin politik që i është urdhëruar, pas publikimit të raportit, Bumçi bëhet i vetmi njeri në Shqipëri, për herë të parë në historinë e Demokracisë së saj, që është kundër hapave të vendit drejt BE-së.

I urdhëruar nga Basha, Aldo Bumçi ndoqi linjën zyrtare, ?që ishte një intrigë dhe lojë e radhës? e pamenduar mirë nga Basha, me shkaqe dhe jo pak pasoja për partinë më të madhe të opozitës.

Në opinionin publik, Bumçi doli si një anti-europian, si një njeri që nuk e donte Shqipërinë në BE, por në fakt ai ishte vegla e Bashës, i cili e shiti mikun dhe deputetin e tij. Basha e hodhi ?në kosh të plehrave? Bumçin, dhe pasi e pa se dështoi në tentativën e tij për të ndryshuar raportin dhe penguar çeljen e negociatave, kreu demokrat doli në media dhe si gjithmonë shpalli fitoren e radhës. Këtë herë duke hequr nga supet e tij urdhrin për bllokimin apo ndryshimin e raportit për çeljen e negociatave, dhe duke deklaruar se PD dhe ai vetë ishin persona që kishin mundësuar këtë vendim të Këshillit të Europës. Në fakt e vërteta është krejt ndryshe, Basha tentoi ta bllokonte, dhe deputetët e tij votuan kundër, por pasi e kuptoi gafën e tij politike të radhës, ai ndryshoi menjëherë qëndrim. Ai doli në media, shpalli fitoren e radhës, shiti deputetin e tij Aldo Bumçi, i cili mësohet se ditët e fundit ka mbajtur qëndrim ndaj kryetarit të PD-së, të cilin e akuzon për tradhtinë e radhës./Citynews