E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

VIDEO - Rrëfimi i vjehrrës së gruas që denoncoi gjyqtarin në Gjirokastër: Nusja më ka rrahur

28 Tetor 2016, 10:27, Aktualitet CNA

Audio-përgjimi ku dëgjohej Kryetari i Gjykatës së Gjirokastrës Guximtar Boçi teksa kërkonte favore seksuale një gruaje për të ndërhyrë në këmbim të një vendimi gjyqësor e ka tronditur jo pak opinionin publik.

Çështja në fjalë lidhet me një konflikt prone në Gjirokastër. Gruaja që ka denoncuar Boçin ndodhej në një proces gjyqësor me ishvjehrrën e saj.

Emisioni ?Shihemi në gjyq?, i drejtuar nga juristja Eni Çobani, ka qënë i pari që e ka publikuar këtë histori duke u përpjekur të ndërmjetësojë mes plaëve, nisur nga deklaratat e ishvjehrrës se gruas 40 vjeçare, se ajo ka ngelur pa banesë.

Në emision janë shfaqur zonja Merushe dhe kushëriri i saj, Imeri. Ky i fundit thotë se e ka të pamundur të kujdeset për Merushen, pasi prej 30 muajsh ajo ka ngelur në mes të katër rrugëve. Imeri pretendon se Merushja ndonëse ka një banesë të madhe, një ndërtesë me tre kate që e ka ngritur me shumë sakrifica, jeton ende me të.

Merushja rrëfen e emocionuar se ndonëse ka një pronë të madhe, ajo është e detyruar të flejë në garazh. Arsyeja? Ish-nusja e djalit, (pra denoncuesja e emisionit investigativ Stop) ia ka marrë banesën me një vendim të papritur, të marrë brenda ditës, të Gjykatës së Apelit, ndonëse ajo i kishte fituar gjyqet e shkallës së parë dhe shkallës së dytë.

Gruaja e moshuar ka treguar se si nusja me pretendimin për t’u zhvendosur nga Gjirokastra në Tiranë, kërkonte të shiste banesën që ajo e kishte ngritur me paratë e saj.

Djali dhe nusja sipas të moshuarës, kishin marrë kredi në bankë por nuk paguanin, duke rrezikuar sekuestrimin e shtëpisë nga banka. Për të kërkuar zgjidhjen e situatën Merushja iu drejtua Prokurorisë, por pas kësaj nusja nisi ta dhunonte vjehrrën dhe akuzonte burrin për dhunë.

?Kam tridhjetë muaj që jam nëpër gjyqe. I kam fituar gjyqet në shkallë të parë, shkallë të dytë. Kam marrë dhe vendim për ta nxjerrë jashtë nusen e djalit. Dhe në kohën kur do të merrte vendimin për të dalë jashtë, vajti më hapi gjyq në apel dhe brenda ditës u bë gjyqi. Nuk më pyeti njeri mua, më lanë përjashta?, ka rrëfyer ajo, shkruan “Panorama”.

Për më shumëdetaje nga historia, shihni videon e mëposhtme. /Citynews

20161028-103727 by revistaime