E fundit!

15:47 Aktualitet

“Klasa politike të ikë në shtëpi”/ Tare: Çështja është te bulevardi, Rama zhvendos vëmendjen

Studiuesi Auron Tare tha sot se ndërsa çështja kryesore ës...

Fuga në Ora News/ Media në Shqipëri si në kohën e Skënderbeut

28 Tetor 2016, 08:49, Aktualitet CNA

Profesori i komunikimit Artan Fuga vijon të kritikojë politikën, median dhe situatën ku ato ndodhen në Shqipëri, duke lëshuar deklarata të forta veçanërisht për mungesën e fjalës së lirë sot në vend dhe problemet në mënyrën si ajo ushtrohet.

Ndryshe nga ç?jemi mësuar ta lexojmë normalisht në faqen e tij në facebook, këtë radhë ai ka folur në emisionin ?Arena? të drejtuar nga Dritan Hila, me temë ?Lirinë e fjalës?.

?Nga pikëpamja e profesionit tim them se në disa tema si rregullimi ligjor dhe administrimi i informacionit apo ligjet mbi pronësinë e medias më duhet të them se shoqëria shqiptare është të paktën 20-30 vjet mbrapa në raport me atë që bëhet sot?,- tha Fuga.

?Problemi duhet shtruar në mënyrë radikale dhe ky radikalizëm jep edhe tonin e rebelizmit. Dua të them se edhe sikur të mos ketë ndërhyrje arbitrare mbi gazetarin nga ana e pushtetit, mënyra se si funksion media në Shqipëri e bën atë që të ketë një kufi të caktuar në hulumtimin e të vërtetave, zhbirilimin e tyre dhe në dhënien e informacioneve sa më të sakta. Gazetari është ndërmjetës i fjalës së qytetarit. Sot kur ne kemi një teknologji që na lejon që midis gazetarit dhe publikut të ketë bashkëveprim në mënyrë që lajmi të prodhohet sa nga gazetari aq nga publiku, ne këtu jemi në një situatë që duket se është koha e Gutenbergut, që për mua më duket koha e Skënderbeut, sepse kanë qenë në të njëjtën kohë.

Fuga vijoi edhe me disa kritika për mediat tradicionale dhe online: ?Gazetat siç janë në letër hidhen online. Shikon blogjet e këtyre gazetave dhe janë të mbushura me anonimë, që janë nga zyrat e gazetave ose zyrat e shtypit të partive. Por nuk ka reportazhe apo publikime të vetë gazetarëve ku të ketë interveprim. Zëri i qytetarit shprehen maksimumi me vox pope në televizione, dhe shpesh ata qytetarë nuk kanë të bëjnë fare me cështjen e cila trajtohet. Madje edhe në ato raste më tepër ilarizohet dhe tallet qytetari sesa merret në konsideratë mendimi i tij.

Në emisionin ?Arena? ishin të ftuar edhe deputeti Luçiano Boci, si dhe gazetarët Sonila Meço dhe Aleksandër Çipa.