E fundit!

11:13 Aktualitet

Protesta, "mollë sherri" në Konferencën e Kryetarëve/ Zhupa-mazhorancës: Po fabrikoni prova

Protesta e qytetarëve para Kryeministrisë ka sjellë debate...

Koço Kokëdhima fillon sulmin me versionin "biri im"

8 Shtator 2016, 08:31, Aktualitet CNA

Koço Kokëdhima është shfaqur dje në Vlorë para socialistëve, si shpëtimtari i së majtës. Ai ka thënë se do ta bashkojë të majtën, e cila është e përçarë. Kokëdhima si duket i referohet LSI-së, parti me të cilën është afruar shumë kohët e fundit. Ai ndërkohë ka thënë se kandidatët për deputetë nuk duhet të emërohen nga Tirana, pra nga kryeministri Rama, por nga baza, shkruan TemA

A thua se vetë Kokëdhima nuk u bë deputet nga Rama tre vite më parë, pa u pyetur fare baza!

?Unë kam insistuar gjithmonë që kjo reformë të thellohet më tej dhe këtë gjë do ta bëj me këmbëngulje deri në fund. Të thellohet që vendimmarrja e PS-së të ndahet me anëtarësinë e thjeshtë për të gjitha çështjet e rëndësishme.

Për aq kohë sa forumet drejtuese të PSsë janë në një gjendje shumë të diskutueshme përsa i përket standardeve politike, kulturore, ideologjike e organizative, nivelit të përgjegjësisë dhe demokracisë së brendëshme, roli i anëtarësisë të partisë duhet të jetë shumë më i lartë në vendimmarrjet politike të PSsë.

Sa figura deputetësh janë të papëlqyeshme për njerëzit, sa shumë deputetë nuk gëzojnë asnjë respekt dhe asnjë vlerësim nga zgjedhësit e megjithatë ata ndërrojnë qarqet çdo katër vjet dhe vazhdojnë të rrinë në parlament.

Si vijnë këta njerëz, si bëhen deputetë këta njerëz? Secili nga ne ka në imagjinatë shembuj të ndryshëm dhe emra që nuk do mund të përzgjidheshin kurrë në lista nqs do pyeteshin zgjedhësit.

Si e bëjnë të mundur këta persona që hop dhe të jenë në krye të nivelit të përfaqësimit të qytetarëve.

Arsyeja është shumë e thjeshtë: sepse nuk diskutohet me bazën e partisë dhe me qytetarët. Ja pse insistoj unë në këtë çështje?u shpreh Kokëdhima gjatë fjalës së tij përpara anëtarëve të PS-së Vlorë.

?Kokëdhima është më i majtë se të gjithë ata që thonë që do shkojë këtej, do shkojë andej, është më socialist se të gjitha ata që predikojnë se në cilën parti do të vejë Kokëdhima.

Unë do të insistoj për ta zhvilluar dhe për ta bashkuar të majtën e Shqipërisë. E majta në Shqipëri i ka të gjitha kushtet dhe të gjithë luksin të planifikojë qeverisje dhe zhvillim afatgjatë të vendit.

Nëse ne bashkojmë dhe modernizojmë të majtën mund t?ja dalim të mos i shndërrojmë institucionet e shtetit si tani, në inkubatorë votash përmes punësimeve partiake e jashtë kërkesave profesionale.

PSja ka detyrimin që t?u japë mundësi qytetarëve që të luajnë rol për fatin e tyre, t?u japë mundësi qytetarëve dhe anëtarëve të thjeshtë të PSsë që të marrin pjesë në politikëbërje dhe në qeverisje? u shpreh ai.

Ish-deputeti është fokusuar tek reforma në parti dhe tek zgjedhjet e vitit të ardhshëm, duke kërkuar që të jetë vetë baza ajo që do të propozojë kandidatët për deputetë dhe jo të emërohen persona nga Tirana, siç vetë Kokëdhima u emërua në vitin 2013, edhe pse nuk kishte asnjë lidhje me PS-në.