E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Teatri Operës dhe Baletit & Teatri Kombëtar, rreziku i shkatërrimit të mbi 60 viteve investim…

7 Shtator 2016, 15:56, Aktualitet CNA

*Nga Arben SKENDERI

Plani ogurzi i Edi Rames nisur që një dekadë gjysë më parë sot u zyrtarizua publikisht me të gjithë përbëresit e tij duke filluar me një mashtrim dhe deformim të historisë së TKOB-se me percaktimin si vit i 60-vjetorit të krijimit në një kohë që çfaqja e parë operistike daton më 27 nëntor te vitit 1953 me Operën ” Rusalka” në skenën Teatrit Kombëtar.
Por dhe pak ditë, sepse ky tempull i teatrit Shqiptar se bashku me TKOB-në janë pjesë e skenarit të mafies se betonit e cila sot jo vetëm me Edi Ramen ne krye por dhe me mbështetjen e Erion Velisë do të nisin shkatërrimin e këtij monumenti kukture që në çdo vend të europës së civilizuar do t’i ishte nënshtruar një proçesi restaurimi e kurrë se si zëvendësimit me një tjetër sallë betoni të përfshirë në katin e parë të ndonjë një kulle shumëkateshe si të ishte ambient i rëndomtë supermarketi (dhe kjo në rastin më të mirë).
Në botën e civilizuar të artit dhe në vende si Franca të cilës i rereferohet kryeministri , teatrot kombëtarë janë qindra vjeçarë, restaurohen vazhdimish, ruhen e mirëmbahen si vlera kombëtare.
Nuk jemi kundër skenave dhe hapësirave alternative apo eksperilentale, ato janë të nevojshme, por nese ato na serviren si zgjidhja e vetme në kurriz të çka kemi ndërtuar me mund dhe që është pjesë e identitetit të artit tonë të kultivuar, atehere këtu kemi të bëjmë me mediokritet dhe klientelizëm, dhe aspak me dhembshuri për kulturën kombëtare apo për gjendjen e artit në vend.
Asnjë projekt nuk diskutohet paraprakisht as me artistët as me specialistët e fushave, por si ditën e sotme artistët dhe njërëzit e kulturës përdoren sa për dekor e me detyrim në spektaklin e Ramës me lista të mirë përzgjedhura si në kohën e partisë së punës.
Po zhvishen artistët nga kontributet, po zhvishen institucuonet nga historiku i tyre, po bëhet larje truri me prapagandë në të gjitha nivelet për të krijuar alibitë e nevojshme për shkatërrimet që kanë nisur. Dhe gjithë kjo, sepse Edi Rama e ka ende të freskët periudhën kur e nisi këtë shkatërrim e i kujtohet mirë që artistët e bllokuan atëhere e do ta bllokojnë dhe sot.
Pikërisht frika që ai ka nga kjo shtresë e shoqërisë në të cilën asnjë herë nuk bëri dot pjesë, as këtu e as andej nga u sorrollat disa vite duke bërë zhgarravina për turistë, tani po i kthehet në ankth dhe ai e di mirë që nuk ka për ta shkatërruar dot.
Faktet tregojnë se që ditët e para të marrjes së pushtetit është marrë personalisht me artistët e njerëzit e kulturës duke i përçarë, duke i zhvlerësuar, duke i katandisur deri për bukën e gojës pjësën dërrmuese të tyre, që nga uljet e rrogave e deri te terrori nëpër intitucione jo vetëm nga komplekset e rënda që ka, por sepse “revanshi” i tij me mafien e betonit nga mbrapa është e vetmja rrugë që ai ka zgjedhur për të sunduar e për të fabrikuar historinë e tijë të dështuar.
Dhe sot, si një dekadë e gjysëm më parë më të njëtët njerëz, për të njëtin qëllim, po përdor të njëtat metoda…!
Sot Edi Rama ka folur sërisht për tulla e llaç por asnjë fjalë për artin e artistët, asgjë për problemet thelbësore që kanë ata në të përditeshmen e tyre, asgjë për krimtarinë kombetare, asgjë për reformat e trompetuara, asgjë për ndonjë plan strategjik zhvillimi, asgjë për çka do të ndodhi me trupat si të TKOB-së ashtu dhe Teatrit Kombëtar.
Si do të munden të zhvillojnë aktivitetin e tyre në ambiente alternative kur as për sy e faqe mendimi i tyre nuk është konsultuar në asnjë moment dhe realisht asgjë të parashikuar në këtë drejtim nuk ka.
As partia e punës së sistemit komunist nuk guxonte të mos merrte mendimin dhe ekspertizën e njerëzve më me autoritet të fushave. Nuk guzonte të vepronte pa mendimin e Çesk Zadesë, Feim Ibraimit, Nikolla Zoraqit, Avni Mulës, Tish Daisë e shumë të tjerëve që krijuan këtë traditë me të cilën ne krenohemi, e që vetë Edi Rama rend për ta keq përdorur për PR-in e tij sa herë që i jepet mundësia.
Është e pa pranueshme që sot pas dy dakadash demokraci një ikonë e teatrit Shqiptar si Robert Ndrenika të ndihej i dëshpëruar deri në pikën e vetëflijimit për të mbrojtur teatrin përballë babëzisë dhe pabesisë së pushtetit.
Të tillë ndihen shumë e shumë artistë që kjo qeveri i ka lënë pa zë e i ka shtypur me të gjitha format, por kujdes Edi Rama se ti e di që nuk luhet me ta, ti j’u a ke frikën dhe ata do të ta kthejnë reston…

*Drejtues i departamentit të kulturës, rinisë dhe sporteve në Partinë Demokratike