web counter
LEXO PA REKLAMA!

SHKARKO APP

App Store
Google Play

E fundit!

x

Mancini kujton kohen te Interi

7 Shtator 2016, 15:50, Aktualitet CNA

Për Roberto Mancinin rikthimi tek Interi ishte një eksperiencë e bukur. Ish-trajneri i zikaltërve ka folur në lidhje me periudhën kur ai stërviste ekipin nga Milano. Gjatë intervistës së tij 51-vjecari është shprehur se rikthimi i tij tek zikaltërit ishte dicka e bukur për të, pavarësisht se nuk u arrit ajo cka drejtuesit e klubit kërkonin. Sidoqoftë tekniku është i mendimit se skuadra nën drejtimin e tij ka arritur një nivel të kënaqshëm. Mancini nuk u ndal më pas të rrëfimi rreth momentit të largimit.

?Pati thjesht një shtrëngim duarsh mes miqsh. Nuk kam asnjë lloj rezerve ndaj drejtuesve të klubit dhe këta të fundit ndaj meje. Mes nesh ka një raport të mirë. Më vjen keq që nuk arritëm të gjenim gjuhën e përbashkët. Objektivi im ishte kampionati dhe rikthimi i Interit në Champions League, por misioni im nuk arriti të merrte dhe mbështetjen e presidencës. Sidoqoftë unë mbetem një tifoz i Interit.?

Roberto Mancini e ka një pendesë dhe ajo lidhet me merkaton. Sipas tij nëse Interi do të kishte afruar Zlatan Ibrahimovic ose Yaya Toure skuadra do të mund të ishte një rival i denjë për Juventusin.

?Kisha arritur një marrëveshje me Yaya Toure, por në fund ai vendosi të mos e tradhëtonte Man.City. Do kisha dashur të bashkëpunoja dhe me Zlatan Ibrahimovic. Madje, mund të them se nëse do t?i kishim transferuar të dy atëherë Interi do te ishte rivali direkt i Juventusit. Sepse bardhezinjtë momentalisht kanë arritur një nivel të jashtëzakonshëm në të gjitha aspektet. ?

I pyetur se cili do të jetë destinacioni i tij i ardhshëm, Mancini u përgjigj se për momentin nuk ka asnjë alternative, duke shtuar se herë pas herë një trajneri i bën mirë të shkëputet për pak nga bota e futbollit. S.S

 





Lajmet e fundit nga