E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Mustafaj: Rama arrogant dhe hakmarrës me votuesit e djathtë

7 Shtator 2016, 13:13, Aktualitet CNA

Ish deputeti dhe ish ministri i Partisë Demokratike, Besnik Mustafaj, e cileson kryeministrin Rama si nje arrogant dhe hakmarres ndaj njerezve qe nuk e votojnë.

Ai argumenton përfundimin e tij duke rradhitur fakte dhe momente që e dëshmojnë komentin e tij me titull ?Hakmarrja e kryeministrit?, botuar në Panorama.

Mustafaj shkruan se si kreu i ekzekutivit po hakmerret ndaj Shkodres dhe Pogradecit pse atje jane votuar kandidatet e djathte. Madje sipas tij, ai do të hakmerret edhe ndaj dibranëve nëse ata do të votojnë për Sherefedin Shehun këtë të dielë.

?Ata që e njohin nga afër Edi Ramën, e tregojnë si njeri verbërisht hakmarrës. Në qoftë se ai nuk do të kishte pushtetin që ka, ky do të mbetej një tipar i karakterit të tij, sigurisht një tipar primitiv, por me ndikim vetëm mbi njerëzit që e rrethojnë?, shrehet Mustafaj.

Duke sjellë në vëmendje përbaljen e kryeministrit me kretaren e bashkisë Shkodër Voltana Ademi Mustafaj thotë: ?Ishin bashkuar në një rrethanë gëzimi: po përurohej stadium ?Loro Boriçi? me ç?rast Kombëtarja jonë e futbollit do të luante dhe një ndeshje miqësore me Marokun. Zonja Ademi, siç i takonte, po bënte detyrën e mikpritëses. Nuk kishte pra asnjë arsye të lidhur me çfarë po ndodhte aty rrotull për ta nxjerrë Kryeministrin e vendit nga binarët e mendjes. Ajo lloj urrejtjeje e papërmbajtur në të vërtetë drejtohej kundër popullit të Shkodrës, i cili nuk e kishte votuar në shumicë as në vitin 2013, në zgjedhjet e përgjithshme dhe as në vitin 2015, në zgjedhjet për pushtetin vendor?, shkruan Mustafaj.

Më pas ai argumenton vëmendjen e qeverisë ndaj bashkisë së dytë në vend.

?Bashkia Shkodër ka përfituar vetëm 0.8 për qind të fondit të përgjithshëm që qeveria shpërndan nëpërmjet agjencive kombëtare për zhvillimin e njësive vendore. Ndërkohë që Bashkia Shkodër, me ndarjen e re territoriale, është e dyta në vend. Për ta kuptuar më qartë diskriminimin që i bëhet Shkodrës dhe qytetarëve të saj nga qeveria, le të bëjmë një krahasim! Jo me Tiranën, sigurisht. Por me Divjakën, për shembull. Cili shqiptar, i ri a i vjetër, demokrat a socialist, do e merrte me mend se Divjaka merr jo për frymë, por në shifër absolute 5 herë më shumë fonde se Shkodra? Vetëm sepse atje deputet është socialisti i thekur Erion Braçe?.

Mustafaj sjell në vëmendje edhe raste bashkish të tjera socialiste sikurse dhe thekson bashkinë e Pogradecit që po ashtu diskriminohet për votat djathtas.

?Është vetëm rasti më ulëritës i hakmarrjes së egër të Edi Ramës ndaj atyre që nuk e kanë votuar. Eduart Kapri, kryetar i Bashkisë së Pogradecit, dha në fund të gushtit një intervistë për gazetën ?Panorama?, detyrohet të pranojë: ?Menaxhuam një sezon të mbarë turistik pa mbështetjen e qeverisë?, shprehet Mustafaj.

Ai sjell dhe një rast të tretë hakarrjeje. ?Po sjell edhe një rast të tretë e që tregon se fryma hakmarrëse e Edi Ramës kundër qytetarëve që nuk i besojnë votën është në të vërtetë frymë e gjithë qeverisë së tij. Këto ditë që zhvillohet fushata zgjedhore në Bashkinë e Dibrës, ministri Damian Gjiknuri u shfaq me zë e me figurë në të gjitha mediat duke shpallur, pa iu skuqur fytyra, se ?Kryeministri Rama dhe qeveria nuk do të jepnin fonde për një demokrat në krye të Bashkisë?. Ky sigurisht është një shantazh i pastër në kundërshtim të plotë me ligjin zgjedhor?.

Ai thotë se krahas një komisioni hetimor, duhet informuar në vazhdimësi, posaçërisht Kongresi i Autoriteteve Vendore në Strasburg, i cili ekziston pikërisht për të mbikëqyrur e vlerësuar problematikën e pushtetit vendor e ku Republika e Shqipërisë ka angazhime parimore, si të gjitha vendet anëtare të Këshillit të Europës. /Citynews.al