web counter
LEXO PA REKLAMA!

SHKARKO APP

App Store
Google Play

Shehu: Punësim grave, mbështetje sipërmarrjes/ Bashkia do të paguajë energjinë për të varfrit ekstrem

7 Shtator 2016, 10:20, Aktualitet CNA

Kandidati për kryebashkiak i Dibrës, Sherefedin Shehu gjatë një takim me gratë dibrane ka pretuar punësim dhe mbështetje të grave sipërmarrëse. Ndërsa ka vlerësuar sakrificën e grave dibrane për të përballuar situatën e rëndë ekonomike dhe papunësinë e lartë në këtë bashki, kandidati demokrat Shehu tha se në qendër të punës së tij si kryebashkiak i Dibrës do të jetë punësimi i grave. Shehu tha se pjesa më e madhe e administratës së drejtuar prej tij do të jenë gra.

?Bashkia ka disa mundësi dhe ato mundësi do të shfrytëzohen maksimalisht që ju të keni një mundësi punësimi. Do të nxisim sipërmarrjen, atë që mund të bëjnë gratë këtu edhe administrata e bashkisë do të dominohet nga gratë dhe nga vajzat?, theksoi Shehu.

Duke u ndalur në mënyrë të veçantë tek familjet në nevojë ekstreme, zoti Shehu tha se Bashkia do të marrë të gjitha masat që të paktën buka, uji dhe furnizimi minimal me energji elektrike të mos mungojë.

?Në Peshkopi pushtetarët luajnë, bëjnë presion edhe me asistencën sociale. Ata që nuk kanë asnjë mundësi jetese do të marrin jo vetëm ndihmë që iu takon sipas ligjit, jo vetëm më shumë sesa ata që kanë një burim të vogël të ardhurash por bashkia nesër do të garantojë edhe faturat e energjisë elektrike për familjet që janë në nevojë ekstreme, që nuk kanë asnjë mundësi ose që janë edhe pa dritën elektrike sot për shkak se nuk mund të paguajnë faturën?. /Citynews.al





Lajmet e fundit nga