E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

Donald Lu: Situata në Shqipëri, e rëndë/ Bosët e krimit lidhje me njerëz me influencë

7 Shtator 2016, 08:19, Aktualitet CNA

Ambasadori amerikan në Tiranë Donald Lu ka shprehur shqetësimin e tij për nivelin e lartë të krimit dhe korrupsionit në Shqipëri. Ai ka vënë theksin në lidhjen e krimit me politikën. Sipas tij ?shqiptarëve u ka ardhur në majë të hundës? nga kjo çështje.

?Shqipëria ka nivelin më të ulët të ndëshkimit të krimeve serioze në Europë. Dhe problemi është mos ndëshkimi pasi bosët e krimit nuk mund të dënohen për shkak të lidhjeve të tyre me njerëz me influencë. Situata në Shqipëri është e rëndë. Por unë besoj se reforma në drejtësi dhe proçesi i dekriminalizimit do të ndihmojë për të rregulluar problemin e pandëshkueshmërisë dhe të lidhjeve kriminale me politikën?.

Duke hequr vija paralele mes Shqipërisë dhe Gjeorgji dy dekada më pare, Lu theksoi nevojën e një lufte të domosdoshme kundër korrupsionit.

?Në Gjeorgji dy dekada më parë ishte një grup shumë i fuqishëm që zhvillonte aktivitet kriminal.Një grup i armatosur që mbante uniforma. Në Shqipëri ka akuza për krimin e organizuar prej vitesh, akuzapër vrasje, korrupsion, trafik. Me të këtë dua të nënvizoj se niveli i korrupsionit në Shqipëri është i lartë. Ka kriminelë të fuqishëm që kanë kryer vrasje. Duhet të përballemi me këtë problem, siç bëri Amerika dy dekada më parë në Gjeorgji. U arrestuan shumë persona, u sekuestruan miliona dollarë.Kjo organizatë kriminale meritonte të ndëshkohej për lidhjet që kishte me policinë dhe pushtetin?.

Duke folur në konferencën për krimin e organizuar dhe korrupsionin, Lu tërhoqi vëmendjen se Shqipëria duhet të merret më seriozisht me këtë çështje.

?Në Shqipëri duhet të punohet shumë që ti jepet fund kësaj situate korrupsioni kaotike. Shqiptarët janë të gatshëm që ti largojnë këta persona të korruptuar nga qeveria dhe parlamenti. Por ky është një paralajmërim për kriminelët e tjerë që duan ti bashkohen politikës.

Lu u shpreh besimplotë se Byroja Kombëtare e Hetimit do ti japë një përgjigje të merituar të inkriminuarve.

?Është një dritë paralajmëruese për të gjithë ata që duan ti afrohen politikës, nuk mund ta bëjnë këtë. Është e rëndësishme sespe do të stabilizojë në të ardhmen situatën politike në vend, sidomos Byroja e Hetimit që do të jetë një nga institucionet më të rëndësishme dhe ky është një angazhim që SHBA-të do ta mbështesin duke dhënë ndihmën e tyre, asistencën e tyre, duke bashkëpunuar me autoritetet shqiptare. Por gjithashtu dhe me Drejtorin e FBI.Kjo do të thotë se do të ngrihet një grup serioz i rëndësishëm hetimi.Ata do të bëjnë trajnimet më të mira me agjentë të FBI për tu siguruar që ata do ta kryejnë mirë punën e tyre, do të mbikqyren nga këta agjentë të FBI në të ardhmen.Është në interesin e SHBA që Shqipëria të luftojë me sukses krimin e organizuar, por mbi të gjitha kjo është një reformë për shqiptarët, sepse ne duam ti mbështesim ata. Ne e dimë që Shqipëria do të jetë e suksesshme në këtë drejtim. Byroja Kombëtare e Hetimit do ta japë këtë rezultat duke luftuar krimin e organizuar?.

Ambasadori amerikan në Tiranë Donald Lu ka përmendur sërish rastin e Emiljano Shullazit të arrëstuar kohët e fundit duke vënë theksin se bosët e krimit rrallë përballen me akuën.

?Në Shqipëri personat që akuzohen se kryejnë trafikun e drogës dhe bosët e e krimit të organizuar rallë përballen me akuza kriminale. Një shembull është Emiljano Shullazi, i cili për shumë vite është akuzuar për krime, trafik droge por u arrestua vetëm kohët e fundit?. /Citynews.al