E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

PD: Milionat që Rama i jep Sadriut në vit, sa pensioni i 7000 qytetarëve

27 Gusht 2016, 13:50, Aktualitet CNA

Partia Demokratike në vazhdën e denoncimeve për kryeministrin e vendit Edi Rama deklaron se janë miliona lekë të faturruara në kurriz të popullit të cilat kryeministri ia jep me tendera të kundraligjshëm Sadri Abazit.

?Fatura e korrupsionit të Edi Ramës vetëm me tenderat që i jep Sadri Abazit për një vit është sa pensioni në qytet për 7055 persona, pensioni në fshat për 12 832 persona, sa 4811 paga minimale, është pagesa e papunësisë për 15 453 persona. Eshtë pra njësoj sikur çdo familje dibrane të marrë 68 mijë e 500 lekë më muaj pagesë papunësie, por që nuk i marrin, sepse i ndan Rama me Sadriun?, thuhet në deklaratën e zëdhënëses së PD-së, Ina Zhupa.

PD denoncon se prej tre vitesh, me këtë skemë, pasuritë e buxheti i vendit shkojnë për Edi Ramën e kusarët e tij, për popullin mbetet varfëria, burgu ose emigracioni.

?Konkretisht; Edi Rama i ka dhënë oligarkut të tij Sadri dhjetra tendera për një vit dhe ka pranuar ofertën e tij më të lartë në cdo rast. 12 miliardë lekë ka marrë sadriu nga ministritë e bashkitë e Edi Ramës, ndërkohë që ofertat e tjera të skualifikuara merrnin përsipër ti kryenin punimet me 11 miliardë lekë. 1 miliardë lekë është diferenca, është fatura e korrupsionit të Edi Ramës. 1 miliardë lekë që vidhen ende pa filluar punimet, para që do të kishin përmirësuar jetën e mijëra qytetarëve, sic edhe i kemi renditur në tabelë. 1 miliardë lekë Edi Rama mund ti kishte kursyer duke lejuar garën e konkurencën. Këto para mund të shkonin për zbutjen e varfërisë e krijimin e vendeve të punës. Po nuk është ky prioriteti i Edi Ramës. Nuk janë qytetarët zgjedhja e tij?, thuhet në dekalratën e PD-së.

Vjedhja e shqiptarëve për të blerë vota dhe për të vahduar pushtetin zhvatës të qytetarit sipas PD-së është rruga që ka zgjedhur Edi Rama, kreu i ekzekutivit.

?Prioriteti dhe zgjedhja e tij, është ndarja e parave të shqiptarëve me Sadriun. Që Sadriu më pas të blejë vota. Që pushteti të mbahet me cdo kusht. Ky sundim i korruptuar e kriminal është në ditët e fundit. Qytetarët nuk do të mbajnë më në kurriz Edi Ramën me oligarkët e tij. Shqipëria do të jetë më mirë pa Edi Ramën?, thuhet në deklaratën e PD-së. /Citynews.al